Fövqəladə Hallar Nazirliyi (FHN) Bakıda tikilidə yanğın baş verməsi barədə məlumat yayıb.

Nazirliyin saytına istinadən verdiyimiz xəbərə görə, FHN-in Böhran Vəziyyətlərində İdarəetmə Mərkəzinə Bakının Nərimanov rayonunda fəaliyyət göstərməyən dördmərtəbəli tikilidə yanğın baş verməsi barədə məlumat daxil olub.

Dövlət Yanğından Mühafizə Xidmətinin canlı qüvvə və texnikası hadisə yerinə cəlb olunub və aidiyyəti qurumlar məlumatlandırılıb. Əməliyyat davam edir. Əlavə məlumat veriləcək.