İmişli Rayon İcra Hakimiyyətinin (RİH) başçısı saxlanılıb.
Oxu.Az-ın məlumatına görə, Dövlət Təhlükəsizliyi Xidmətinin (DTX) əməkdaşları tərəfindən keçirilən əməliyyat zamanı İmişli RİH başçısı Vilyam Hacıyev saxlanılaraq, Bakıya gətirilib.
RİH başçısının birinci müavini Səfa Ağayev də əməliyyat çərçivəsində tutulub.
***
Dövlət Təhlükəsizliyi Xidməti əməkdaşlarının İmişli Rayon İcra Hakimiyyətində keçirdiyi əməliyyat zamanı bir neçə vəzifəli şəxsin saxlanıldığı bildirilir.
Bu barədə Modern.az-a İmişli Rayon İcra Hakimiyyətindəki mənbələr məlumat veriblər. Günün sonunda rəsmi məlumatın yayılacağı qeyd olunur.