Bu gün Bakı Ağır Cinayətlər Məhkəməsində arvadını öldürən Müzəffər Piriyevin cinayət işi üzrə məhkəmə prosesi yekunlaşıb.

xalqxeber.az-ın verdiyi xəbərə görə, hakim Tamella Nəsrullayevanın sədrliyi ilə keçirilən prosesdə hökm oxunub.

Məhkəmə kollegiyasının hökmü ilə M.Piriyev 19 il müddətinə azadlıqdan məhrum edilib.

Qeyd edək ki, hadisə ötən il Səbail rayonunda baş verib. 45 yaşlı M.Piriyev həyat yoldaşı, 34 yaşlı Cəlaləni ona soyuq çay süzdüyü üçün stəkanla başında vurub, sonra isə boğaraq qətlə yetirib.