XalqXəbər.Az

XalqXeber.Az » Sağlamlıq » Dərinizi bunlarla gözəlləşdirin

Dərinizi bunlarla gözəlləşdirin

Dərinizi bunlarla gözəlləşdirin
17-02-2021, 13:44

Normal qayda ilə qidalanmaq, vitamin və mineralları qəbul etməklə yanaşı, sağlamlığımıza da müsbət təsir edir. Faydalı qidaları istehlak edərək dərimizin elastikliyini qoruyur, eyni zamanda solğunlaşmasının, quruluğunun və qırışmasının qarşısını alırıq.
Xarici KİV-ə istinadən, dərini gözəlləşdirən qidaları təqdim edirik:

1.Qırmızı bibər
Dərini hamar və gözəl edən, C vitamini ilə zəngin qırmızı bibər qan dövranını tənzimləyir və karoteonid bəxş edir. Qocalma ilə mübarizə aparır, o cümlədən, qırışların yaranmasını azaldır.

2.Yerkökü
Həm göz, həm də dəri sağlamlığı üçün faydalı olan yerkökü A vitamini ilə olduqca zəngindir. Xüsusilə kosmetik məhsulların tərkibinə əlavə olunan bu tərəvəz dərinin görünüşünə müsbət təsir edir. Bir çox kosmetik dəri məhsulunun tərkibindəki Retinol, yerkökü ekstraktlarına da aiddir. Çünki yerkökü təbii retinoldur.

3.Tünd şokolad
Tünd şokoladın içərisindəki flavanollar və antioksidan bitki komponentləri dərini nəmləndirir və qan dövranını tənzimləyir. 12 həftə ərzində bununla qidalanan qadınlarda dəri lazımsız maddələrdən təmizlənir və hamar görünüş qazanır. Tünd şokoladdan gündəlik 28 qram və ya 150 kalori istehlak edilməlidir.

4.Fındıq
E vitamini antioksidandır. Fındıq dəri üzərində ultrabənövşəyi şüaların yaratdığı zərərlərin qarşısını alır. Nəmləndirilməsinə və yumşalmasına da kömək edir. Bir insanın gündəlik E vitamini ehtiyacı 8-10 mq fındıqdır. E vitamini taxıl, ispanaq, balqabaq, kələm, kahı, zeytun və balıq yağı, fındıq, qoz, yumurta sarısı, pomidor və kartofda da çoxdur. Lakin gündəlik bir ovuc fındıq E vitamini ehtiyacını tamamilə qarşılayır.

5.Balqabaq tumu
Bənzərsiz sink mənbəyi olan balqabaq toxumu, bu xüsusiyyəti sayəsində dəri üçün ən vacib mineralı bəxş edir. Əsas kollagen səviyyəsini tənzimləyir və hüceyrələrin yenilənməsini təmin edir. Eyni zamanda hüceyrə membranını C vitamini ilə gücləndirir.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.