Səhər vərdişləri həddən artıq kilo almağa səbəb olur. Çəki atmaqda çətinlik çəkirsinizsə, buna səbəb səhər vərdişləriniz ola bilər.

Xarici KİV-ə istinadən xəbər veririk ki, yuxudan oyandıqdan sonra edilən bəzi səhvlər çəki atmanın qarşısını ala bilər. Bu da həmin 5 pis alışqanlıq...

1. Çox yatmaq
Yeddi saatdan az, on saatdan çox yatmaq kökəlməyə səbəb olur. 2014-cü ildə aparılan araşdırmalara görə ən yaxşısı 8 saat yatmaqdır.

2. Yetərli günəş şüası almamaq

Günün səhər saatlarında günəş şüası qəbul etmək maddələr mübadiləsini yaxşılaşdırır. Oyandıqdan sonra 20-30 dəqiqə ərzində alınan şüa bədənin kütlə indeksinə müsbət təsir edir.

3. Az səhər yeməyi yemək

Bəzi insanlar düşünür ki, səhər yeməyini az yeməklə arıqlaya bilərlər. Lakin bu tam əksinədir. Gündəlik qəbul edilən səhər yeməyinin tərkibində ən az 500-600 kalori olmalıdır.

4. Səhər yeməyini gec yemək

Oyandıqdan sonra bədənin enerji toplaması üçün yemək vacibdir. Buna görə də səhər yuxusundan 10-15 dəqiqə sonra yeməyinizi yeyin. Əgər mədəniz uzun müddət boş qalarsa, iltihab və qastrit yarana bilər.

5. Həddən artıq iş görmək

Oyandıqdan sonra işiniz çox olsa belə, onları tələsmədən edin. Əks halda bədəninizdə narahatlıq yarana bilər. Və bu da çəki artımına imkan yaradar. Qarşısını almaq üçün çay və ya ilıq limonlu su için.

Əlavə olaraq şəkər və yağdan az istifadə etməyə çalışın. Onların əvəzinə meyvə, tərəvəz, çay, qatıq kimi məhsullardan istifadə edə bilərsiniz.