SON DƏQİQƏ
XalqXeber.Az » Sağlamlıq » Yay mövsümündən sonra dərinin ağardılması

Yay mövsümündən sonra dərinin ağardılması

Tarix:

2-10-2017, 11:03

/ 39 836 dəfə oxundu.
Yay mövsümündən sonra dərinin ağardılması

Yay fəsli dəridə öz izlərini qoyur. İsti günlər başa çatandan sonra zərif cinsin nümayəndələrini dəriyə qulluqla əlaqədar qayğılar narahat etməyə başlayır. Yay boyu əldə edilənləri həm qorumaq, həm möhkəmləndirmək, üstəlik dərinin təravətli və cazibədar olmasına nail olmaq xanımları ən çox narahat edən məsələlərdəndir.
Payızda dəriyə kosmetik qulluğun başlıca məqsədi onun ağardılması və qışa hazırlığıdır. Bundan ötrü xiyar, limon şirəsi, baş soğan və qırmızı qarağat tərkibli maskalardan istifadə etmək olar.
Payız vaxtı quru dəri üçün, xüsusilə təbiətin təsirindən sonra parafin-yağ maskalarının istifadəsi məsləhət görülür. Üzə və boyun nahiyəsinə zeytun və ya günəbaxan yağı çəkilir, maskalar həftədə iki dəfə bir kursu cəmi 8-10 prosedur olmaqla aparılır. Quru və solğun dəri üçün həmin maska yaxşı hazırlıq olacaq.
Payızda normal və yağlı dərinin təmizlənməsi üçün bəzi losyonlar hazırlayıb istifadə etmək olar. Hərəsindən 2 çay qaşığı qırmızı qızılgülün qurumuş ləçəkləri və solmazçiçəyinin çiçəkləri 100 qram 3 faizli sirkədə saxlanılır, ikiqat tənzifdən keçirilir. Həmin məhlulu uzun müddət saxlayıb tətbiq etmək mümkündür. Yağlı dəri üçün 100 ml distilə olunmuş suya 1 çay qaşığı məhlul və 5 qram şorbit, quru dəri üçün isə 1-2 çay qaşığı məhlul və 1-2 çay qaşığı qliserin tökülərək dəri həmin qarışıqla silinir.
Daha bir sadə və səmərəli üsul da var. Yuxudan oyanandan sonra üz kosmetik südə batırılmış pambıqla silinir, axşamdan dondurulmuş 2-3 giləmeyvənin qabığı çərtilərək şirəsi ilə üz və boyun nahiyəsi silinir. Hətta onu göz altına da çəkmək olar. 15-20 dəqiqə sonra maska soyuq su ilə yuyulur. Prosedur bitəndən sonra dəri atlas kimi hamar olur.
Yay fəslində dəri kobudlaşıb və qıcıqlanıbsa, onda onu sakitləşdirən tərəvəzli maskadan istifadə edilir. Məsələn, 1 ədəd orta ölçülü qabaq ətçəkən maşından keçirilir, şirəsi ayrılandan sonra onun büzücü və dezinfeksiyaedici təsirlərini artırmaq üçün şirəyə 1 yumurta sarısı əlavə edilir. Alınan kütlə qalın qatla təmizlənmiş üz və boyun nahiyəsinə çəkilir, sonra dəri sərin su ilə yuyulur və toniklə silinir.

Şərhlər

XƏBƏR LENTİ