XalqXəbər.Az

XalqXeber.Az » İqtisadiyyat » "Azərbaycanda yanacağın qiyməti sabit qalıb" - Samir Şərifov

"Azərbaycanda yanacağın qiyməti sabit qalıb" - Samir Şərifov

"Azərbaycanda yanacağın qiyməti sabit qalıb" - Samir Şərifov
3-11-2022, 14:25

 
"Bir sıra ölkələrdə yanacağın qiyməti sürətlə artıb, Azərbaycanda isə sabit qalıb".


Bunu Milli Məclisin İqtisadi siyasət, sənaye və sahibkarlıq komitəsinin iclasında maliyyə naziri Samir Şərifov deyib.

"Bu da Tarif (Qiymət) Şurasının siyasəti ilə bağlıdır", - deyə o, qeyd edib.

"Hazırda inflyasiya fenomeni təkcə Azərbaycana xas amil deyil. Bir sıra ölkələrdə, o cümlədən, inkişaf etmiş ölkələrdə son 40 ildə görülməyən yüksək inflyasiya göstəriciləri qeydə alınır", - deyə nazir əlavə edib.

Xatırladaq ki, Azərbaycanda sonuncu dəfə yanacağın qiyməti 4 yanvar 2021-ci il tarixində artırılıb. Həmin vaxt "Aİ-92" markalı benzinin 1 litrinin qiyməti 90 qəpikdən 1 manata, dizel yanacağının 1 litrinin qiyməti isə 60 qəpikdən 80 qəpiyə qaldırılıb. “Aİ-95” və “Aİ-98” markalı benzinlərin qiymətlərini isə dövlət tənzimləmir.


XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.