SON DƏQİQƏ
XalqXeber.Az » İqtisadiyyat » İmamverdi İsmayılovun oğlu da TENDER udmağa başlayıb... - FOTO

İmamverdi İsmayılovun oğlu da TENDER udmağa başlayıb... - FOTO

Tarix:

1-07-2021, 12:04

/ 2 075 dəfə oxundu.
İmamverdi İsmayılovun oğlu da TENDER udmağa başlayıb... - FOTO

Bakı Turizm İnformasiya Mərkəzi 2021-ci ilin iyun ayının 24-də “Baku City Tour ikimərtəbəli avtobus turu üçün yeni xəttin yaradılması-mətnin yazılması, köhnə xətlər üzrəmətnin yenilənməsi və yeni xətlər üzrə mətnlərin əlavə olunması, 12 dilə tərcümə olunması və səsləndirilməsi” lotu üzrə sifarişçi olduğu tenderə yekun vurub.

Qlobal.az xəbər verir ki, Agentliyin sifarişçi olduğu tenderin məbləği 128.865 manat, qalibi isə “Mir Group Holding” Məhdud Məsuliyyətli Cəmiyyəti olub.

Qalib elan edilən şirkətin nizamnamə kapitalı 10 manat, qanuni təmsilçisi isə İlmir İsmayılov İmamverdi oğludur.

Bakı şəhərində fəaliyyət göstərən tərcümə mərkəzlərinin xidmət tariflərinə nəzər saldıqda Bakı Turizm İnformasiya Mərkəzinin 2021-ci ilin iyun ayının 24-də “Baku City Tour ikimərtəbəli avtobus turu üçün yeni xəttin yaradılması-mətnin yazılması, köhnə xətlər üzrəmətnin yenilənməsi və yeni xətlər üzrə mətnlərin əlavə olunması, 12 dilə tərcümə olunması və səsləndirilməsi” lotu üzrə sifarişçi olduğu tenderdə qiymətlərin reallığı əks etdirdiyinə ciddi şübhələr yaranır.

Agentliyin tenderinin qalibi olan “Mir Group Holding” MMC-nin rəhbəri Milli Məclisin deputatı İmamverdi İsmayılovun oğludur.

Qeyd edək ki, Bakı Turizm İnformasiya Mərkəzi Dövlət Turizm Agentliyinin tabeliyində fəaliyyət göstərir.

Dövlət Turizm Agentliyi Azərbaycan Respublikası Prezidentinin 20 aprel 2018-ci il tarixli “Mədəniyyət və turizm sahəsində dövlət idarəçiliyinin təkmilləşdirilməsi ilə bağlı bəzi tədbirlər haqqında Sərəncam”ına əsasən Azərbaycan Respublikası Mədəniyyət və Turizm Nazirliyinin əsasında yaradılıb.

Dövlət Turizm Agentliyinin sədri Fuad Nağıyevdir.


Şərhlər

XƏBƏR LENTİ