XalqXəbər.Az

www.XALQXEBER.az » İqtisadiyyat » Daha bir müəmmalı TENDER HOQQABAZLIĞI... - Büdcə pulları belə xırıd edilir...

Daha bir müəmmalı TENDER HOQQABAZLIĞI... - Büdcə pulları belə xırıd edilir...

Daha bir müəmmalı TENDER HOQQABAZLIĞI... - Büdcə pulları belə xırıd edilir...
28-12-2020, 11:16

Məlum olduğu kimi Azərbaycan Respublikasında koronavirus infeksiyasının ölkədə yayılmasının, onun törədə biləcəyi fəsadların qarşısının alınması məqsədilə 24 mart 2020-ci il saat 00:00-dan etibarən Azərbaycan Respublikasında xüsusi karantin rejimi elan edilib.Bu müddət ərzində təcili tibbi yardım, qəza-bərpa, xilasedici, habelə yük daşıyan avtomobillərin hərəkəti istisna olmaqla bir çox idarə müəssisənin fəaliyyəti dayandırılıb,o cümlədən ali və orta ixtisas müəssisələrində tədris posesi dayandırılıb,işçilərin sayı minimuma endirilib.Amma buna baxmayaraq bir çox ali təhsil ocaqlarında təmir-tikinti işlərinin aparılması barədə elanlara rast gəlinir.

Aktualinfo.org Bakı Xoreoqrafiya Akademiyası tərəfindən koronavirus pandemiyası dövründə keçirdiyi tender və kotirovka sorğuları ətrafında araşdırma aparıb. Qeyd edək ki,Akademiya 2020-ci il 11-12 mart tarixində 17 satınalma proseduru,noyabr ayında isə 2 satınalma proseduru həyata keçirmişdir.Dövlət sanalmalarının rəsmi internet saytında yerləşdirilmiş və bizim apardığımız təxmini hesablamalara görə Akademiya satınalmalara bir il ərzində 1067666 dövlət vəsaiti ayırmışdır.Bunlar aşağıdakılardır.

11.03 2020-ci il tarixdə istehsalatda istifadə olunmayan qeyri maddi aktivlər üzrə 12375 manat dəyərində müqavilə “ECONOM CENTRE “MMC ilə;

Mətbəə xərcləri üzrə 3295 manat dəyərində müqavilə “UNİVERSAL- 2006” MMC ilə;

Maşın və avadanlığın alınması üzrə 12960 manat dəyərində müqavilə “AZMİR” MMC ilə;

Avadanlığın alınması üzrə 20010 manat dəyərində müqavilə fiziki şəxs MƏMMƏDOV QURBAN BAYRAM oğlu ilə;

Digər maşın və avadanlığın alınması üzrə 13898 manat dəyərində müqavilə “QALAKTİKA-A” MMC ilə;

İdarənin xərxləri üzrə 14570 manat dəyərində müqavilə fiziki şəxs SALMANOV RƏHMAN MƏCİD oğlu ilə;

12.03.2020-ci il tarixdə abadlıq işlərinin görülməsi üzrə 119 113.32 manat dəyərində müqavilə “R-Starndart” MMC ilə;

İnventarın alınması üzrə 93 880 manat dəyərində müqavilə “Printing Solutions” MMC ilə;

Yumşaq inventarın alınması üzrə 56 650 manat dəyərində müqavilə “LK Logistic LLC” MMC ilə;

İnventarın alınması üzrə 148 740 manat dəyərində müqavilə “L ENGİNEERİNG” MMC ilə;

Yumşaq inventarın alınması üzrə 198 680 manat dəyərində müqavilə “LK MACHİNERY” MMC ilə;

İnventarın alınması üzrə 24315 manat dəyərində müqavilə “QALAKTİKA-A” MMC ilə;

Yumşaq inventarın alınması üzrə 47 480 manat dəyərində müqavilə “OMEQA CONSULTİNG GROUP” MMC ilə;

Mətbəə xərcləri üzrə 14000 manat dəyərində müqavilə “UNİVERSAL BUSİNESS COMPANY” MMC ilə;

Dəftərxana və təsərrüfat xərcləri üzrə 13600 manat dəyərində müqavilə “UNİVERSAL BUSİNESS COMPANY” MMC ilə;

Mətbəə xərcləri üzrə 6525 manat dəyərində müqavilə “UNİVERSAL BUSİNESS COMPANY” MMC ilə;

İdarənin xərxləri üzrə 17600 manat dəyərində müqavilə “UNİVERSAL- 2006” MMC ilə;

05.11.2020-ci il tarixdə maşın və avadanlıqların alınması üzrə 64 254.54 manat dəyərində müqavilə “AQROLAYN QRUP” MMC ilə;

16.11.2020-ci il tarixdə yumşaq inventarın alınması (balet və rəqs paltarları) üzrə 195 625 manat dəyərində müqavilə “THE FİRST DRİLİNQ” MMC ilə.

Satınalmaların elektron portalında yerləşdirilmiş bu konkret rəqəmlərlərlə və tarixlərlə göstərilmiş kotirovka sorğularının və tender prosedurlarının keçirilməsində bir yanlışlıq ola bilərmi? İqtisadiyyat Nazirliyi kimi bir dövlət qurumunun rəsmi saytında hansı yanlışlıqdan söhbət gedə bilər? Aktualinfo.org-un yuxarıda göstərilənlərə aydınlıq gətirmək məqsədi ilə Bakı Xoreoqrafiya Akademiyasına ünvanladığı sorğuya cavab olaraq aşağıdakıları bildirmişlər.

“Bakı Xoreoqrafiya Akademiyasına 2020-ci il üzrə qeyd etdiyiniz kimi 1067666 manat dövlət vəsaiti ayrılmamışdır. 2020-ci il üzrə keçirilmiş kotirovka və tenderlər arasında nəticəsi ləğv olunmuş tenderdə vardır ki, onu müqavilə bağlanmış kimi qeyd edirsiz. 2020-ci il üzrə cəmi bir tender və bir neçə kotirovka baş tutmuşdur ki, onlar da Dövlət Satınalmalar Haqqında Azərbaycan Respublikası qanunun tələblərinə uyğun olaraq həyata keçirilmişdir. Keçirilmiş tender və kotirovkalar tam olaraq onlayn sistemi ilə həyata keçirilir və bu sahə də müvafiq dövlət qurumlarının tam nəzarətindədir.”

Onda Akademiyanın Tender Komissiyasına verilməsi gərəkən yeni suallar meydan çıxır.Tender Komissiyasının sədri çox güman ki,Akademiyanın İnzibati-Təsərrüfat İşləri üzrə prorektoru Həmid Məhərrəmovdur.Çünki bir çox elanlarda əlaqələndirici şəxs kimi məhz onun adı gedir. Odur ki,sualımızı Həmid müəllimə ünvanlayırıq. Yuxarıda göstərilənlərin hamısı İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin dövlət sanalmalarının rəsmi internet saytında yerləşdirilibsə və müqavilələrin bağlanması barədə elan olunubsa necə ləğv edilə bilər? Digər tərəfdən bağlanmış müqavilələr ləğv olunubsa belə, səbəbi Akademiyanın Tender Komissiyası tərəfindən nə üçün elə dövlət sanalmalarının rəsmi internet saytında elan olunmayıb? Onda belə çıxmırmı ki, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti öz işinin öhdəsindən layiqincə gələ bilmir və ictimaiyyəti yanlış məlumatlarla aldadır?

Qeyd edək ki,”QALAKTİKA-A”,”UNİVERSAL- 2006″ Məhdud Məsuliyyətli Cəmiyyətlərinin qanuni təmsilçisi Əliyev Əli Vəli oğludur.Bu isə satınalmalar haqqında qanunda da göstərildiyi kimi, tender və kotirovka prosedurlarının keçirilməsi zamanı daim bir şəxsə və ya şirkətə üstünlük verilməsi satın alınan malların ehtimal olunan qiymətinin düzgün müəyyən edilməməsinə və bir sıra qanun pozuntularına yol açmasına da şərait yaradır.Bir şəxsin adına yaradılmış iki şirkətlə işbirliyi də burada şübhələri artırır.

Digər tərəfdən isə, Akademiya tərəfindən satınalma müqaviləsi bağlanılmış “UNİVERSAL BUSİNESS COMPANY”, “OMEQA CONSULTİNG GROUP”,”PRINTING SOLUTIONS” “AZMİR-SS” kimi Məhdud Məsuliyyətli Cəmiyyətlərin İqtisadiyyat Nazirliyi yanında Dövlət Vergi Xidmətinin kommersiya qurumunun hüquqi şəxslərin dövlət reyestrinə daxil edilmiş məlumatlarında 2019-cu ildə dövlətt qeydiyatına alındıqları göstərilir.Yəni, Bakı Xoreoqrafiya Akademiyasının keçirdiyi kotirovka sorğularından bir neçə ay əvvəl.Bu isə “Dövlət Satınalmaları Haqqında” Azərbaycan Respublikası Qanununun tələblərinə ziddir. Belə ki,qısa bir zamanda dövlət qeydiyyatına alınmış MMC-lərlə müqavilə bağlanarkən ixtisas göstəricilərinin müəyyən edilməsi və analoji işlərdə təcrübəsinin olub,olmaması, maddi texniki bazasının,maliyyə,bank təminatlarının alınması kimi qanunun tələblərinə riayət edilməməsinə gətirib çıxarır.
Aktualinfo.org

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.