SON DƏQİQƏ
XalqXeber.Az » İqtisadiyyat » Bu məhsulun hər tonuna görə 4 manat subsidiya ödəniləcək - FƏRMAN

Bu məhsulun hər tonuna görə 4 manat subsidiya ödəniləcək - FƏRMAN

Tarix:

4-04-2017, 19:33

/ 65 069 dəfə oxundu.
Bu məhsulun hər tonuna görə 4 manat subsidiya ödəniləcək - FƏRMAN

Prezident İlham Əliyev "Azərbaycan Respublikasında şəkər çuğunduru istehsalının stimullaşdırılması haqqında" fərman imzalanıb.

xalqxeber.az xəbər verir ki, sənədə əsasən şəkər çuğundurunun emalı ilə məşğul olan hüquqi şəxslərə və hüquqi şəxs yaratmadan sahibkarlıq fəaliyyəti həyata keçirən fiziki şəxslərə təhvil verilmiş şəkər çuğundurunun hər tonuna görə onun istehsalçılarına 4 manat məbləğində subsidiya ödənilməsi, kənd təsərrüfatı məhsulları istehsalçılarına əkin sahəsinin becərilməsində istifadə etdikləri yanacaq və motor yağlarına görə dövlət büdcəsinin vəsaiti hesabına verilən yardımın 2017-ci ildən şəkər çuğunduru əkinlərinə şamil edilmədiyi müəyyənləşib.

Nazirlər Kabineti şəkər çuğundurunun emalı ilə məşğul olan hüquqi şəxslərə və hüquqi şəxs yaratmadan sahibkarlıq fəaliyyəti həyata keçirən fiziki şəxslərə təhvil verilmiş şəkər çuğundurunun hər tonuna görə onun istehsalçılarına subsidiya verilməsi qaydasını Azərbaycan Respublikasının Prezidenti ilə razılaşdırmaqla iki ay müddətində müəyyən etməli, bu fərmandan irəli gələn digər məsələləri həll etməlidir.

Maliyyə Nazirliyinə isə müvafiq məbləğdə maliyyələşməni təmin etmək tapşırılıb.

Şərhlər

XƏBƏR LENTİ