SON DƏQİQƏ
XalqXeber.Az » İqtisadiyyat » “AFB Bank” enişə doğru kurs götürüb... - mənfəəti 3 dəfədən çox azalıb

“AFB Bank” enişə doğru kurs götürüb... - mənfəəti 3 dəfədən çox azalıb

Tarix:

24-07-2019, 10:12

/ 932 dəfə oxundu.
“AFB Bank” enişə doğru kurs götürüb... - mənfəəti 3 dəfədən çox azalıb

“AFB Bank” ASC-nin cəmi aktivləri bu il iyulun 1-nə 423,673 milyon manat təşkil edib.

“Report” Bankın maliyyə hesabatına istinadən xəbər verir ki, bu, ötən il iyulun 1-i ilə müqayisədə 19% azdır.

“AFB Bank”ın aktivlərinin 207,115 milyon manatı müştərilərə verilmiş xalis kreditlərdir. Son 1 ildə Bankın kredit portfeli 24,3% böyüyüb.

Hesabat dvöründə “AFB Bank”ın cəmi öhdəlikləri 22,9% azalaraq 347,714 milyon manat, o cümlədən depozit portfeli 29,9% azalaraq 222,152 milyon manata düşüb, cəmi kapitalı isə 5,5% artaraq 75,959 milyon manata çatıb.

Bu ilin yanvar-iyun aylarında “AFB Bank”ın gəlirləri 19,093 milyon manat (ötən ilin eyni dövrünə nisbətən 20,2% az), xərcləri 10,698 milyon manat (3,2% az), xüsusi ehtiyatlara ayırmaları isə 6,719 milyon manat (11,1% az) təşkil edib. Son nəticədə Bank I yarımili 1,677 milyon manat mənfəətlə başa vurub. Bu, 1 il əvvəllə müqayisədə 68,5% və yaxud 3,2 dəfə azdır.

Xatırladaq ki, "AFB Bank" 2008-ci ildə "Azfinansbank" adı ilə fəaliyyətə başlayıb, 2009-cu ildə rebrendinq edib. Onun nizamnamə kapitalı 70,394 milyon manatdır. Bankın səhmlərinin 99,64%-i Hikmət Abuzər oğlu İsmayılova ("Azsığorta" ASC-nin 100%-lik səhmdarı, "Bank of Baku" ASC-nin 31,11%-lik səhmdarı), 0,18%-i Cəmil Tahir oğlu Muradova ("Gilan Holdinq" MMC-nin İdarə Heyətinin sədri), 0,18%-i isə Əkbər Həsən oğlu Abdullayevə məxsusdur.

Şərhlər

XƏBƏR LENTİ