XalqXəbər.Az

XalqXeber.Az » Mədəniyyət » Azad edilmiş ərazilərdə 150 abidə yeni aşkarlanıb

Azad edilmiş ərazilərdə 150 abidə yeni aşkarlanıb

Azad edilmiş ərazilərdə 150 abidə yeni aşkarlanıb
12-12-2021, 16:40

“İşğaldan azad olunan ərazilərimizdə ötən ilin noyabr ayından etibarən tərəfimizdən 400-dən çox tarixi-mədəni abidə aşkar edilib”.


Bunu mədəniyyət naziri Anar Kərimov jurnalistlərə açıqlamasında deyib.

Nazir qeyd edib ki, onlardan 150-si reyestrdə olmayan, yeni aşkar edilmiş abidələrdir:

“Eyni zamanda, monitorinqlər zamanı 800-dən çox musiqi məktəbi, teatr, kitabxana və digər mədəniyyət müəssisələrinin qalıqları aşkarlanıb.

Monitorinqlərin nəticələri göstərir ki, azad edilmiş ərazilərimizdəki tarixi-mədəni abidələrimizin 95 faizi dağıdılıb.

Monitorinqlər hələ davam edir, çünki elə ərazilər var ki, relyef baxımından, yaxud da minalara görə bizim mütəxəssislər ora gedib çıxa bilməyiblər.

Müvafiq işlər davam etdirilir və təsnifatlandırıldıqdan sonra nəticələri beynəlxalq qurumlara göndərib, Ermənistanı beynəlxalq məsuliyyətə cəlb edəcəyik”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.