“Sənin xuliqanlığına cavab verməyəcəm. İnsanın bir sifəti olar, bir vicdanı olar”.
AzNews.az xəbər verir ki, bunu bəstəkar Cavanşir Quliyev millət vəkili Fazil Mustafanın sosial şəbəkədə onu tənqid etməsinə münasibət bildirərkən deyib.
“Sən də bir müddət sürgündə olmusan, bilməlisən, nədir qürbət. O ki qaldı mənim getməyimə, ay "millət vəkili", sən rahat yerində, hardan biləsən ki, hər bir bəstəkar üçün ölkədən getmək böyük faciədir, əsərlərinin səslənməməsi onun üçün ölümə bərabərdir. Bir bəstəkarın haqqları pozulursa, sənə nə, cəhənnəm olsun o bəstəkar, sənə qalmayıb ki onun problemi... sən millət vəkilisən! Əminəm ki, belə düşünürsən. Bir də unutma: sən və sənin kimiləri heç vaxt Üzeyir bəyi təftiş edə bilməzsiniz. Sizin buna nə ağlınız, nə istedadınız, nə də gücünüz yetər”.
Xatırladaq ki, Millət vəkili Fazil Mustafa ilə bəstəkar Cavanşir Quliyev arasında qalmaqal yaranıb. Bəstəkar qarşı tərəfi himni sevməməkdə ittiham edib.
Fazil Mustafa isə Çavanşir Quliyevi "ağılsız və geri zəkalı" adlandırıb.