2023-cü il fevralın 6-da Türkiyədə zəlzələ baş verdikdən sonra Azərbaycan Türkiyəyə hər cür yardım göstərməyə hazır olduğunu bildirib. Bu gün də Bakının müxtəlif ünvanlarında
Türkiyədəki zəlzələdə zərər çəkmiş insanlar üçün yardımlar toplanır.Bir çox yerli şirkətlər də qardaş ölkəyə yardımlarını əsirgəmir.
Bu gün Türkiyədə zəlzələdə zərərçəkmişlərə yardım üçün daha bir toplanış məntəqəsi təşkil olunub. Səhər saatlarından İdman Sarayının qarşısına yardım məqsədilə insanlar axışır. Onlar zərərçəkmiş türk qardaşlarımıza öz dəstəklərini ifadə edirlər. Yardımların ardı-arası kəsilmir.
Yardım məqsədilə gələnlərin bir qismi Azərbaycanda fəaliyyət göstərən şirkətlər idi. Yardım göndərən şirkətlər arasında “Çin Karqo”-nun rəhbərliyi yer alırdı. Şirkətin rəsmisi açıqlamasında bildirib ki, Türkiyənin bu çətin anında Azərbaycandan dəstək çox vacibdir:
"Bizdə türk qardaşlarımıza yardım üçün buradayıq. Belə qərara gəldik ki, əlimizdən nə gəlirsə dəstəyimizi əsirgəməməliyik. Allah köməkləri olsun, biz həmişə Türkiyənin yanındayıq. Bu əvvəldən belə olub, belə də davam edir". Xüsusilə qeyd etmək istəyirik ki, “Çin Karqo” şirkəti 30 min Lirə nağd pul, 200 min Lirə dəyərində geyim və ərzaq məhsullarını Türkiyəyə yardım məqsədi ilə göndərib. Bundan başqa ötən gün tanınmış iş adamı Şamil Heydərovun təsisçisi və rəhbəri olduğu "Altis Group of Companies" və "Altec Aluminium" MMC şirkətləri Türkiyənin Fövqəladə Halların İdarə Olunması Agentliyinə (AFAD) 200.000 türk lirəsi (TL) məbləğində ianə edib.
