Sən doğdun günəş tək qaranlıqlara,-
Günəşi qaranlıq doğurur deyə.
Ümidlər çökəndə bataqlıqlara, 
Şanlı xilaskartək  ucaldın  göyə.

Sərkərdə olmadın,təkcə hərb üçün,
Ağıla,zəkaya sərkərdə oldun.
Sən təkcə qalmadın düşüncələrdə,
Tarixdə həmişə Atatək qaldın.

Güclər yetməyəndə nizam qurmağa,
Sən ,,Türkəm" deyəni  yığdın   başına.
Təzə ruh gətirdin,hava gətirdin,
Turan  torpağının  hər  qarışına.

Yüz nəğmə söyləsəm,yüz tərif desəm,
Azdır ,xilaskartək yaşayanlara.
Cəsarətlə,ağlın təntənəsitək,
Xalqın  dərd-qəmini  daşıyanlara.

Böyük  Türk  dünyası   Atatürk  deyib,
Hər zaman hay verdi sənin  səsinə.
Sarsılmaz,yenilməz   cəsarətinlə,
Yazıldın tarixin  səlnaməsinə.

İşığa qərq etdin Türkün  yolunu,
Döndün Ulu Türkün  öz qibləsinə.
Türkün dar günündə Atatürk oldun!
Ucaldın,yüksəldin  haqq  zirvəsinə!   

Müəllif:- Yegane Bağırova