Bakı şəhəri, Səbail rayonu, Gülbala Əliyev küçəsi, ev-2, ünvanındakı yataqxanada daimi qeydiyyatda olan Rəhimova Rahidə Məcnun qızı tərəfindən ölkə rəhbərliyinə şikayət ünvanlanıb.

Xalqxeber.az teref.az-a istinadən vətəndaşın gileyini təqdim edir:

"Bildirirəm ki, 26 fevral 2022-ci il tarixdə qızım sağlamlıq imkanı məhdud olan Rəhimova Zəhra öskürək boğulma halsızlıq əlamətləri ilə qeydiyyatda olduğumuz ərazi üzrə Səbail rayon 33 saylı poliklinikaya müraciət etmişik.

Sahə üzrə həkim Səfərova Aygün qızım Zəhranı müainə etməkdən kobud şəkildə imtina edərək qızım Zəhranı köməksiz vəziyyətdə qoymuşdur.

Biz dəfələrlə təkid edərək qanuni olaraq ərazi üzrə qeydiyyat olduğumuzu bizə burada xidmət göstərməli olduqlarını bildirmiş və tibbi kitabçamızı üstümüzə atmışdır.

Hesab edirəm ki, həkim Aygün Səfərovanın əməllərində cinayət AR-nın CM-nin 142 və 143-cü maddələrinin (Xəstəyə kömək göstərmə) əlamətləri vardır.

Həkimin belə kobudluğu və özbaşnalığı məndə şok effekti yaratmış və ciddi stres keçirmişik.

Yuxarıda qeyd olunan halları nəzərə alaraq 33 saylı şəhər poliklikasının həkimi Aygün Səfərovanın əməllərində cinayət tərkibinin olub-olmaması və onun peşə fəaliyyətinin araşdırılaraq əməllərinə hüquqi qiymət verilməsi barədə müvafiq tapşırıqlar verməyinizi Sizlərdən xahiş edirəm".

İddia olunanlarla bağlı dia.az olaraq qarşı tərəfi də dinləməyə hazırıq...