Yaxın zamanlarda Dövlət Gömrük Komitəsində ciddi kadr dəyişikliklərinə start veriləcək. Bu barədə etibarlı mənbələrdən daxil olan məlumata görə, Bakı Baş Gömrük İdarəsinin rəisi Vüsal Novruzovu Tovuzun Gömrük İdarəsinin rəisi Mehmad Sadıqov əvəzləyə bilər. Buna səbəb son illər ərzində Bakı Baş Gömrük İdarəsi ilə bağlı sahibkarlardan Prezident Administrasiyasın çoxsaylı şikayətlərin ünvanlanmasıdır. Vüsal Novruzova gəlincə isə mənbə bildirir ki, general Astara Gömrük İdarəsinə təyinat alacaq. Artıq bu barədə qərarın verildiyini də bildirilir.
Məlumatda bildirilir ki, Mehman Sadıqov son zamanlar Dövlət Gömrük Komitəsinə faktiki nəzarət edən fövqəladə hallar naziri Kəmaləddin Heydərovun etimadını doğrultduğu üçün onun Bakıya gətirilməsinə qərar verilib.
Qeyd edək ki, bir müddət əvvəl Dövlət Gömrük Komitəsində qəfil kadr yerdəyişmələri baş verdi. O zaman dəyişdirilən idarə rəisləri arasında Biləsuvar, Xaçmaz, Yevlax, Tovuz gömrük idarələrinin rəhbərlərinin adı keçirdi. Lakin Vüsal Novruzovun Astaraya göndərilməsi isə onun “vurulması” kimi də qiymətləndimək olar.
AzToday.az
