XalqXəbər.Az

www.XALQXEBER.az » Aktual » Polis döyülən uşaqla tərbiyəvi söhbət aparacaq! - AÇIQLAMA

Polis döyülən uşaqla tərbiyəvi söhbət aparacaq! - AÇIQLAMA

Polis döyülən uşaqla tərbiyəvi söhbət aparacaq! - AÇIQLAMA
18-01-2020, 23:29

Suraxanı rayonunda yerləşən 2 saylı uşaq evinin rəhbərliyi tərəfindən daxil olan çoxsaylı müraciətlər əsasında 2004-cü il təvəllüdlü Mirəli Quliyev barəsində Suraxanı RPİ İstintaq şöbəsində müvafiq araşdırmalar aparılıb.

Bakı şəhər Baş Polis İdarəsinin Mətbuat Xidmətindən verilən məlumata görə, azyaşlının uşaq evinin inventar avadanlıqlarını sıradan çıxarması, digər sakinlərə qarşı kobudluq, fiziki təzyiq etməsi və digər xoşagəlməz əməlləri ilə bağlı xüsusatlar istintaqla yoxlanılıb.

“Azyaşlının cinayət subyekti olmadığı nəzərə alınaraq, onun barəsində toplanan materiallar Suraxanı RPİ-nin yetkinlik yaşına çatmayanlarla iş üzrə bölməsinə göndərilib.

Hazırda azyaşlının qanunvericiliyə uyğun olaraq, profilaktika çərçivəsində maarifləndirilməsi və tərbiyəvi söhbətlərin aparılması tədbirləri diqqət mərkəzində saxlanılmaqla müvafiq işlər tərəfimizdən davam etdirilir.

Azyaşlının anası, Ə.Quliyevin 2 saylı uşaq evində övladının fiziki, psixoloji təsirlərə məruz qalması ilə bağlı iddiaları əsassızdır”, - deyə məlumatda vurğulanıb

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.