XalqXəbər.Az

www.XALQXEBER.az » Aktual » “MTN işi”nin zərərçəkəninə cəza istənildi

“MTN işi”nin zərərçəkəninə cəza istənildi

“MTN işi”nin zərərçəkəninə cəza istənildi
12-12-2017, 17:36

“MTN işi” üzrə təqsirlədirilən polkovnik Vüsal Ələkbərovun cinayət işində zərərçəkmiş kimi tanınan icra nümayəndəsi Bahəddin Sultanov və polis əməkdaşı Təvəkkül Vəliyevin məhkəməsi keçirilib.
Hakim Mirzə Xankişiyevin icraatında olan prosesdə adıçəkilən şəxslərə cəza istənilib.
Dövlət ittihamçısı çıxış edərək B.Sultanovun 8 il, T.Vəliyevin isə 7 il 6 ay müddətinə azadlıqdan məhrum edilməsini təklif edib.
B.Sultanov 2004-2005-ci illərdə Binəqədi rayonu, Biləcəri qəsəbəsi üzrə İcra münayəndəsi vəzifəsində işləyib.
O və T.Vəliyev torpaq alqı-satqısı zamanı vətəndaşdan külli miqdarda pul alıb daha sonra vədlərinə əməl etməyərək dələduzluq etməkdə ittiham edilirlər.
B.Sultanov isə polkovnik V.ƏLəkbərova 370 min dollar rüşvət verdiyi üçün zərərçəkmiş hesab edilib. Onun oğlu İntiqam Sultanov “Texnika Bank”ın Bakı filialında işləyərkən 500 min manat krediti saxta sənədlərlə rəsmiləşdirdiyi üçün MTN tərəfindən saxlanılıb. B.Sultanov oğlunun həbsdən buraxılması üçün V.Ələkbərovun tələbi ilə ona 370 min dollar verib. Daha sonra İ.Sultanov ev dustaqlığına buraxılıb.
V.Ələkbərov isə onları tanımadığını deyərək ittihamı qəbul etməyib. Bakı Hərbi Məhkəməsinin hökmü ilə V.Ələkbərov 12 il müddətinə azadlıqdan məhrum edilib və polkovnikin rütbəsinin alınması barədə xüsusi qərardad çıxarılıb.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.