Bu gün Bakı Apellyasiya Məhkəməsində “Turan” İnformasiya Agentliyinin həbsdə olan direktoru Mehman Əliyev barəsində tutulma qərarının qanunsuz hesab edilməsi və girov müqabilində azadlığa buraxılması vəsatətləri baqda Yasamal rayon məhkəməsinin qərarlarından verilən apellyasiya şikayətlərinə baxılması gözlənilirdi.

xalqxeber.az-ın məhkəmə önündə olan əməkdaşının verdiyi xəbərə görə, vəkil Fuad Ağayev bildirib ki, o və ittiham tərəfi məhkəmədə olsa da, M.Əliyev saat 18:00-a kimi məhkəməyə gətirilməyib.

Hakimlər bildirib ki, bu, Penitensiar Xidmətin problemidir. Buna görə də proses sentyabrın 11-nə təxirə salınıb.