yüklənir...
yüklənir...

SONDƏQİQƏ

XalqXəbər.Az
yüklənir...

Səhiyyə Nazirliyindən daha bir GİLEY - DƏRMAN QITLIĞI...

Səhiyyə Nazirliyindən daha bir GİLEY - DƏRMAN QITLIĞI...
7-12-2018, 09:21 102 dəfə baxılıb

Yasamal rayonu, Əhməd Cəmil küçəsi, ev 29, mənzil 12-də yaşayan Məmmədov Araz Nəsrəddin oğlu onkoloji xəstəliyin müalicəsi üçün tələb olunan dərmanların Azərbaycanda olmamasından şikayətçidir.

Cebhe.info-ya müraciət edən şikayətçinin sözlərinə görə, 2013-cü ildə prostat vəzinin bədxassəli şişi xəstəliyinə tutulub. Həkimlər müalicəsinin Azərbaycanda mümkün olmadığını deyib və buna görə həmin ilin sentyabrında ağır vəziyyətdə Almaniyanın Mannheim şəhərindəki “Uniklinika”ya aparılıb. Orada olduğu zaman şişin artıq yayıldığı bildirilib və təcili əməliyyat olunub. Əməliyyat zamanı prostat vəzi və limfa düyünlərinin əksəriyyəti çıxarılıb: “Bu əməliyyata görə 30 min avro ödəməli oldum. Həkimlər əməliyyatdan sonra bildirdilər ki, hər 3 aydan müayinə və müalicə olunmalıyam. 2014-cü ilin oktyabrında yenidən əməliyyat edildim. Bu dəfə də daimi nəzarətdə saxlanmalı olduğum bildirildi və olduqca bahalı müalicə kursu yazıldı. Həkimlərin yekdil rəyi bu oldu ki, ildə 4 dəfə müvafiq prosedurları keçməli, "Bikalutamed" adlı dərmanı gündəlik olaraq istifadə etməliyəm. 90 günlük dərman 3500 avrodur. "Firmagen 80 mg" iynəsi ayda bir dəfə vurulmalıdır. Bu isə ayda 500 avro deməkdir. Ancaq bunlar da tam müalicə kursu deyildi. Əlavə yoxlamalara, analizlərə ehtiyac yaranırdı. 2013-cü ilin mayından 2018-ci ilin mayınadək məni müalicə edən həkim tərəfindən gündəlik istifadə üçün bu bahalı dərman və iynə yazılıb. Bundan başqa hər 6 aydan bir ümumi bədən PCT vasitəsilə də yoxlanılır ki, bu da 3500 avrodur. Bu ilin mayından həkimlər müalicə metodikasını dəyişiblər. Analizlər bunu vacib edib. İndi mənə başqa dərman qəbulu tapşırılıb. "Zytiga 500" dərmanından istifadə etməliyəm ki, bu dərmanın da bir qutusunun qiyməti 3500 avrodur. 90 gün üçün 4 qutu tələb olunur”.

Araz Məmmədov bildirib ki, özünün və yaxın qohumlarının müalicəni davam etdirmək üçün maddi imkanı tükənib. Müalicəni dayandırmaq isə pis nəticə verə bilər. Buna görə də Səhiyyə Nazirliyinə müraciət edərək sözügedən 2 dərman vasitəsinin əldə edilməsinə kömək istəyib:

“Hər şeyimizi satmışıq, amma müalicəni qarşılamaq daha mümkün olmur. Son 2 ildə bütün imkanlarım tükənib. Bu müalicəni götürmək artıq mənim imkanım xaricindədir. Müalicəni dayandırmaq isə fiziki məhvolmadır. Xərçəng xəstələri pulsuz müalicə edilir. Dövlət büdcəsindən hər il bu məqsədlə külli miqdarda vəsait ayrılır. Ancaq dərmanlar üçün Səhiyyə Nazirliyinə müraciət edəndə bildirilir ki, ölkədə dərman yoxdur. Mən səhiyyə naziri Oqtay Şirəliyevdən bunun səbəbini soruşmaq istəyirəm ki, xərçəng xəstələrinin müalicəsi ölkədə aparıla bilmirsə, ən azından onları dərmanla təmin etmək olmaz? Büdcədən vəsait ayrılır. Dünyada xərçəng xəstələri üçün təsirli olan müalicə üsulları, məxsusi dərmanlar var ki, onları ölkəyə gətirmək lazımdır. Bəlkə də gətirilir, sadəcə bizim kimi xəstələrə verilmir. Belə münasibətə görə də xəstələr xaricə qaçır. Görəsən, bundan Oqtay Şirəliyevin xəbəri var? Hər halda bununla maraqlanmalıdır, çünki səhiyyə naziri odur”.

Şikayətçinin sözlərinə görə, dərman təminatı ilə bağlı bu ilin noyabrında Səhiyyə Nazirliyinə müraciət edib. Ordan müraciət Milli Onkologiya Mərkəzinə yönləndirilib. Ancaq mərkəzin baş həkimi Azad Kərimlinin imzasıyla daxil olan cavab məktubunda ölkəmizdə sözügedən dərman preparatlarının olmadığı vurğulanıb:

“İndi nə mən, nə ailəm nə edəcəyimizi bilirik. Bunun sonu ölümdür, çünki mənim dərmanları almağa imkanım yoxdur. Ölkəyə isə bu dərmanlar gətirilmir ki onkoloji xəstələrə verilsin”.

Məlumat üçün bildirək ki, Nazirlər Kabinetinin 2006-cı il 20 dekabr tarixli 266 nömrəli qərarı ilə Azərbaycanda onkoloji xəstələrin dərman vasitələri ilə təminatı, onların cərrahiyyə əməliyyatından polikimyəvi terapiyasına qədər müalicəsi pulsuzdur. Bura sıra müalicəsi almaq, o cümlədən ağrıkəsici vasitə kimi narkotik vasitələrdən pulsuz istifadə də daxildir.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər:
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

10-12-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ