yüklənir...
yüklənir...

SONDƏQİQƏ

XalqXəbər.Az
yüklənir...

Səhiyyə sistemində BAZAR QAYDALARI - Burda qiymətləri kim müəyyən edir?

Səhiyyə sistemində BAZAR QAYDALARI - Burda qiymətləri kim müəyyən edir?
4-11-2017, 11:02 90 278 dəfə baxılıb

Medicina.az Azərbaycan Respublikasında uşaq dünyaya gətirməyin neçəyə başa gəldiyini araşdırıb.

Sosial şəbəkələrdə aparılan və son 3 ayda ana olmuş qadınlar arasında aparılan sorğu nəticəsində bir çox dövlət müəssisələrində, təsərrüfat hesablı olmayan xəstəxana və ginekoloji institutlarda təbii doğuş qiymətləri məlum olub.

Qiymətlər bir-birinə çox yaxındır.

Beləliklə:

- 3 saylı Sabunçu xəstəxanası - 300-350 AZN

- Respublika Klinik xəstəxanası - 400-500 AZN

- 1 saylı Klinik Xəstəxana – 400-500 AZN

- Ə. D. Məlikov adına 6 saylı xəstəxana – 350-400 AZN.

Qeyd edək ki, bu məbləğdən əlavə də bəzi xərclər gözlənilir. Doğuşa qəbul olunan qadın əvvəlcədən doğuşu qəbul edəcək mama ginekoloqla danışmalı, detalları müzakirə etməlidir. Hamilə qadınlar doğuş üçün verdikləri məbləğə görə heç bir rəsmi qəbz almayıblar. Bununla da xəstəxanada hansı məbləği ödədikləri rəsmi olaraq sübut etmək mümkün deyil.

Qəfildən doğum sancıları ilə xəstəxanaya çatdırılan bir pasiyent isə cəmi 200 AZN ödədiyini bildirib.

Xəstəxanalara qəfildən gələn, növbətçi həkimin qəbul etdiyi doğuş nisbətən ucuz başa gəlir.

Ötən ay Sabunçu xəstəxanasında doğum etmiş gənc qadın həyat yoldaşının həkimə 350 AZN verdiyini bildirib.

Özəl klinikalarda isə təbii doğuşun qiyməti 800 – 1050 arasında dəyişir.

Nəzərə alaq ki, özəl xəstəxanada pasiyentin qəbulu üçün hər detala pul xərclənir, dövlət xəstəxanaları icarə, tibbi ləvazimat, işıq, su, yer və s kimi xərclərdən azaddır.

Məsələ ilə bağlı danışan Səhiyyə Nazirliyinin mətbuat nümayəndəsi Səfayə Əhmədova Azərbaycanda dövlət xəstəxanalarında vətəndaşın doğum etməsinin PULSUZ olduğunu bildirib:

"Azərbaycan Respublikası ərazisində dövlət hesablı səhiyyə müəssisələrində istənilən vətəndaş üçün doğuş pulsuzdur. İstər öncədən müraciət edən, istər küçədə qəfildən doğuş edən qadın təsərrüfat hesablı olmayan istənilən dövlət xəstəxanası və ginekoloji müəssisədə doğuş birmənalı olaraq heç bir pul ödənmədən həyata keçirilir”.


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: Burda, , kim, sisteminde, Sehiyye, qiymetleri, edir, QAYDALAR, mueyyen, BAZAR
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

22-11-2018

BÜTÜN XƏBƏRLƏR
GÜNDƏM
yüklənir...
FACEBOOK SƏHİFƏMİZ
SONDƏQİQƏ