yüklənir...
yüklənir...

SON DƏQİQƏ

XalqXəbər.Az
yüklənir...
yüklənir...

“Mehman Əliyevin saxlanması siyasi motivli cinayət təqibidir” – Nina Oqnianova

“Mehman Əliyevin saxlanması siyasi motivli cinayət təqibidir” – Nina Oqnianova
25-08-2017, 13:20 108 294 dəfə baxılıb

Jurnalistləri Müdafiə Komitəsinin Avropa və Cənubi Qafqaz bölgəsinin koordinatoru Nina Oqnianova Amerikanın Səsinə Turan İnformasiya Agentliyinin direktoru Mehman Əliyevin saxlanması ilə bağlı xəbərlərə münasibət bildirib.

"Təbii ki biz Mehman Əliyevin saxlanması ilə bağlı xəbərlərə görə çox narahatıq. Biz tamamilə əminik ki, bu, siyasi motivli cinayət təqibidir. Bizim bildiyimizə görə o, informasiya agentliyinə qarşı işlə əlaqədar şahid qismində saxlanılıb. Lakin onun statusu bunun nəticəsi olaraq qısa zamanda şübhəli kateqoriyasına aid edilib. O, 48 saatdır saxlanır və onun bundan daha artıq saxlanacağı mümkündür. Amma bura Azərbaycandır. Burada siyasi motivli işlərdən tənqidi jurnalistlər, müstəqil mediaya qarşı istifadə edilir. Buna görə də ittihamlar jurnalistikaya aid olmasa da, bizdə heç bir şübhə yoxdur ki, Mehman Əliyev və onun Turan agentliyi Azərbaycanda müstəqil informasiya verdiyinə görə cəzalandırılır.”

Nina Oqnianova Jurnalistləri Müdafiə Komitəsinin avqustun 16-da Vergilər Nazirliyinin əməkdaşlarının Turan agentliyinin ofisində axtarışla bağlı açıqladığı bəyanatını şərh edib.
“Azərbaycanın müstəqil mediası üçün bu yay çox çətin oldu. Daha doğrusu, bu mediadan nə qalıbsa…Bu yay ayları jurnalistlərin saxlandığı, təzyiqlərə məruz qaldığı, həbs edildiyi bir sıra hallarla müşayiət oldu. Bu kimi indiyə qədər görünməmiş hallardan birində jurnalist zorla Gürcüstandan Azərbaycana gətirilib. Və belə hallar artır və bununla Azərbaycan Avrasiya regionunda mətbuat azadlığının ən çox senzuraya və repressiyalara məruz qoyulduğu ölkəyə çevrilir. Biz hökumətə mətbuat və ifadə azadlığına hücumları dayandırmaq və Azərbaycan qanunları və qanun aktlarından hökumətin tənqidçilərini və hökumətin siyasətini müstəqil və tənqidi şəkildə işıqlandıran jurnalistləri cəzalandırmaq üçün vasitə kimi istifadə etməsinə son qoymaq haqda çağırışlarımızı davam etdiririk. Bunun əvəzinə biz hakimiyyəti yeni səhifə açmaq qərarı verərək, Azərbaycanın nəzəriyyədə də olsa, üz tutduğu beynəlxalq dəyərləri dəstəkləməyə səsləyirik.”


www.xalqxeber.az

Mətndə səhv var? Onu siçanla seçin və Ctrl+Enter düyməsini basın.
Teqlər: motivli, cinayet, saxlanmasi, Eliyevin, Mehman, Nina, Oqnianova, siyasi, teqibidir
ŞƏRH YAZ
yüklənir...
yüklənir
OXŞAR XƏBƏRLƏR
VİDEO ÇARX
XƏBƏR LENTİ

17-11-2017

BÜTÜN XƏBƏRLƏR

Sunayla Hüquqdan Danış

[email protected]


/sunayla_huquq_danish/

GÜNDƏM
KÖŞE YAZARLARI
yüklənir...
İDMAN
ŞOU-BİZNES
DÜNYA
FACEBOOK SƏHİFƏMİZ
SON DƏQİQƏ