XalqXəbər.Az

İqtisadçılardan MİDA-ya ETİRAZ: - “O evləri “sosial mənzil” adlandırmaq olmaz!”

yüklənir...
İqtisadçılardan MİDA-ya ETİRAZ: - “O evləri “sosial mənzil” adlandırmaq olmaz!”
25-12-2018, 10:24
yüklənir...

Mənzil İnşaatı Dövlət Agentliyi (MİDA) 25 yanvar 2019-cu il tarixindən Bakı şəhəri, Yasamal rayonu, Xarici dairəvi yolu-8 ünvanında yerləşən Yasamal Yaşayış Kompleksinin 1-5 saylı binaları üzrə 46 mənzilin, həmçinin 6 və 7 saylı binalarda yerləşən 128 mənzilin, ümumilikdə 174 mənzilin satışına başlayır.

Rəsmi məlumata görə, bütün mənzillər tam təmirli, mətbəx mebeli, kombi isitmə sistemi (kombi cihazı daxil olmaqla), su, qaz və elektrik sayğacları ilə təmin edilmiş vəziyyətdə təklif olunur.

Mənzil İnşaatı Dövlət Agentliyi həmin mənizlləri “sosial mənzillər” Məsələn, iqtisadçı Azər Mehtiyev Modern.az-a bildirib ki, bu cür binalar üçün kombi sistemi deyil, qazanxana tikilməsi və mərkəzləşdirilmiş istlik sistemilə təchizat olduqca önəmlidir:

“Bu halda həm ekoloji ziyanın qarşısını almaq, həm də mənzilləri daha ucuz şəkildə istiliklə təmin etmək olar. Maraqlıdır, MİDA belə bir hesablama aparıbmı ki, ərazidə bir qazanxana tikilməsi və evlərin mərkəzləşdirilmiş qaydada istiliklə təchizatı həm qaz sərfiyyatı, həm qazanxananın qurulması, həm gələcəkdə həmin mənzillərdə yaşayacaq insanların xərcləri, həm də ekologiyaya dəyən ziyan baxımından neçəyə başa gəlir? Ayrıca da hesablanmalıdır ki, hər mənzildə kombi sisteminin qurulması neçəyə başa gəlir. Çünki kombi sisteminin qurulması MİDA tərəfindən həyata keçirilir. Bu da hesablanmalıdır ki, gələcəkdə həmin mənzillərin sakinləri nə qədər xərc çəkəcəklər. Eyni zamanda, kombi sisteminin qurulması hündürmərtəbəli binalarda aşağı mərtəbələrdə işləyən kombilərin zəhərinin yuxarı mərtəbədə yaşayanlar üçün yaratdığı narahatlıq var. Bütün bu məsələlər nə qədər dəqiqləşdirilib, işlərin icrası üçün necə qərar verilib? Bu suallara cavab verilməlidir. Bunlar nə dərəcədə xərc-fayda analizi aparılaraq qərar verilib, həm də nə dərəcədə ekoloji təsirləri nəzərə alınıb? Əgər bu analizlər aparılmadan addım atılıbsa, bu artıq layihələrin yarımçıq olduğunu göstərir. Eyni zamanda, istər-istəməz belə fikir formalaşır ki, bu qurum daha çox kombilərin quraşdırılması və satılmasına çalışır. Sanki bu, onların ayrıca biznes fəaliyyətidir. Faktiki olaraq bu vəziyyətdən kimlərinsə faydalanması üçün şərait yaradılır. Məsələnin texniki əsaslandırılması üçün dəqiqləşdirmə aparılması olduqca vacib idi”.

İqtisadçının sözlərinə görə, bu evləri "sosial mənzil" adlandırmaq olmaz:

“Hətta bunların "güzəştli mənzillər" hesab edilməsi də müzakirə və mübahisə predmetidir. Əslində o binalar kompleks şəklində tikilib. Stareji yol xəritəsində sosial mənzil məsələsi yer alıb. Amma MİDA-nın təklif etdiyi evlər sosial deyil. Çünki sosial evlər bu xarakterdə olmur. Güzəştli məsələsinə qaldıqda, bu da mübahisəlidir. Bu evlərin tikilməsi üçün torpaq dövlət tərəfindən ayrılıb. Bu halda evlərin neçəyə başa gəlməsi və neçəyə satılması məsələsinə diqqət edilməlidir. Mənzillər faktiki bazar qiymətlərindən fərqlənmir. Bu halda onların sosial ev adlandırılması yolverilməzdir”.

yüklənir...
GÜNDƏM
DÜNYA
FACEBOOK SƏHİFƏMİZ

Materiallardan istifadə edərkən sayta mütləq istinad olunmalıdır. Bütün hüquqlar qorunur.