XalqXəbər.Az

Axtarışda olan Nizami Piriyevə qarşı 2 BANK İDDİA QALDIRDI - Hələlik...

yüklənir...
Axtarışda olan Nizami Piriyevə qarşı 2 BANK İDDİA QALDIRDI - Hələlik...
16-04-2019, 13:30
yüklənir...

Az əvvəl məlumat yayıldı ki, "Azərbaycan Beynəlxalq Bankı" ASC iş adamı Nizami Piriyevi məhkəməyə verib. DİA.AZ bildirir ki, Səbail Rayon Məhkəməsinə müraciət edən bank kredit müqaviləsi üzrə mübahisələr barədə tələb irəli sürüb.

Kredit müqaviləsi ilə bağlı məlumat verilmir. Məhkəmə icraatı dayandırıb.

Qeyd edək ki, N.Piriyev “PNN Group” şirkətinin təsisçisi və sahiblərindən biridir. Şirkətin digər sahibi onun oğlu Nəsib Piriyevdir. Hər iki şəxsin adı 2015-ci ildə həbs edilən Beynəlxalq Bankın keçmiş sədri Cahangir Hacıyevin cinayət işində hallanır.

Belə ki, hazırda davam etdirilən "Beynəlxalq Bank işi"ndə təqsirləndirilən Erxan Cavad dindirilən zaman "Cargill" şirkəti ilə "Buta Kitchen" MMC arasında 163 milyon manatlıq müqavilə imzalanıb, qida məhsullarının alındığını bildirib. Onun sözlərinə görə, faiz çıxılandan sonra "Cargill" "Buta Kitchen"in xarici hesabına 130 milyon manat pul köçürüb, həmin məbləğin 30 milyonu əvvəlcədən Azərbaycana göndərilib, qalan 100 milyon isə şirkətin səhmdarı N.Piriyevin Əfqanıstanda olan şirkətinə "ofşor" yolla köçürülüb.

Xatırladaq ki, N.Piriyevin barəsində axtarış elan olunub. Onun cinayət işi ayrıca icraata ayrılıb.

Bu arada isə daha bir bankın Piriyevə qarşı iddia qaldırdığı deyilir. Xəbərə görə, "Paşa Bank" ASC iş adamı Nizami Piriyevi məhkəməyə verib.

Səbail Rayon Məhkəməsinə müraciət edən bank kredit müqaviləsi üzrə mübahisələr barədə tələb irəli sürüb.

Kredit müqaviləsi detallı məlumat yoxdur.

Məhkəmə iddianı təmin edib.

Hökmdən narazı qalan iş adamı apellyasiya şikayəti verib. Bakı Apellyasiya Məhkəməsi apellyasiya şikayətini təmin etməyib.

Daha sonra N.Piriyev kassasiya şikayəti ilə Ali Məhkəməyə müraciət edib. Ali Məhkəmənin qərarı ilə kassasiya şikayəti təmin olunmayıb.скачать dle 10.6фильмы бесплатно

yüklənir...
GÜNDƏM
DÜNYA
FACEBOOK SƏHİFƏMİZ

Materiallardan istifadə edərkən sayta mütləq istinad olunmalıdır. Bütün hüquqlar qorunur.