Çeçenistan lideri Ramzan Kadırov ötən gün səhiyyə işçilərinin şərəfinə təntənəli qəbul keçirib.

Bu barədə Kadırov instagram hesabında məlumat verib. Qəbulda ölkənin səhiyyə naziri, əslən azərbaycanlı Elxan Süleymanov da iştirak edib:

“Mənim əziz qardaşım Elxan Süleymanov kadr potensialının inkişafı, həkimlərin mövcud ixtisaslaşmasının artırılması üçün çox şeylər edib. Respublikadan iri şəhərlərə axın edən xəstələrin sayı azalıb. Mən Elxan Süleymanova Çeçenistan Respublikasının ən yüksək mükafatını – Kadırov ordenini təqdim etdim”.