Dubayda yerləşən bahalı mehmanxana rəhbərliyi rusiyalı modellərdən şikayətlənirlər.

Rusiya mətbuatına istinadən xəbərik verir ki, otel sahibləri rus gözəlçələri insanlığa yaraşmayan davranışda ittiham ediblər.

Dubayın ən təmtəraqlı beş ulduz mehmanxanalarından biri “Waldorf Astoria Dubai Palm Jumeirah”ın rəhbərliyi (bir gecə qalmaq min dollardan çoxdur) rus modellərin otellərinin reputasiyasını korlamaqda ittiham edib. Otel sahibləri buna səbəb kimi, onların ailəvi istirahət məkanlarını yarım çılpaq halda çəkiliş meydançasına çevirdiyini göstərib.

Qeyd edək ki, Rusiya şou biznes nümayəndələri və modelləri bir çox klip çəkilişlərini Dubayda həyata keçirməyə üstünlük verir. Sonuncu dəfə televiziya aparıcısı Viktoriya Bonya, aktrisa Anna Kalaşnikova, realit-şous ulduzu Alyona Şişkova və başqa modellər “DʼAngel Ann” markasının reklamı üçün Dubayda çəkiliş aparıblar. İstirahət vaxtlarında onların nömrələrdə və mehmanxananın ətraflarında yarım çılpaq halda selfi etmələri digər qonaqlar tərəfindən narazılıqla qarşılanıb.