XalqXəbər.Az

www.XALQXEBER.az » Dünya » Məşhur hakerdən Trampa XƏBƏRDARLIQ

Məşhur hakerdən Trampa XƏBƏRDARLIQ

Məşhur hakerdən Trampa XƏBƏRDARLIQ
25-01-2017, 10:36

ABŞ prezidenti Donald Tramp özünə qarşı haker hücumlarının qarşısını almaq üçün əlavə tədbirlər görməlidir. O, Ağ Evin məlumatlarını dərc etdiyi şəxsi “Tvitter” səhifəsinin təhlükəsizliyini gücləndirməyi düşünməlidir.

CNN-ə istinadən məlumata görə, bu haqda “Wauchula Ghost” təxəllüslü tanınmış haker xəbərdarlıq edib.

Qeyd edək ki, bu haker 2016-cı ilin iyun ayında “Tvitter”də “İslam dövləti” (İŞİD) ekstremistlərinin məlumat yaymağa çalışdığı 500 səhifəni sındırdıqdan sonra məşhurlaşıb.

Haker bildirib ki, Donald Trampın, onun xanımı Melaniya Trampın, həmçinin vitse-prezident Maykl Pensin “Tvitter” hesabları kiber hücumlardan qorunmaq üçün zəifdir.

“Wauchula Ghost” inandırmağa çalışıb ki, o özü ABŞ-ın birinci şəxslərinə qarşı kiberhücumlar planlaşdırmır.

CNN xatırladıb ki, bundan əvvəl də Trampın nümayəndələri kiberhücumların ola biləcəyi barədə xəbərdarlıq ediblər.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.