Rusiya Səhiyyə Nazirliyinin ştatdankənar baş narkoloqu Yevgeni Bryun dələduzluqda şübhəli bilinərək Moskvada saxlanılıb.
Bu barədə Rusiya mediası yazıb.
Məlumata görə, Bryun və onun müavini, Rusiya Narkoloji Liqasının vitse-prezidenti Vladimir Yakuşev hazırda dindirilir.
Bildirilir ki, onlar törəmə şirkətlər vasitəsilə dövlət qurumları tərəfindən spirtli içkilərdən asılılığın müəyyən edilməsi üçün test və reagentlərin şişirdilmiş qiymətlərlə alınmasını təşkil ediblər.
***
Moskva Elmi-Praktik Narkologiya Mərkəzinin sabiq direktoru Yevgeni Bryun dələduzluq işi üzrə özünü təqsirli bilməyib.
Bu barədə o, İctimai Nəzarət Komissiyasına məlumat verib.
Rəsmi olaraq hüquq-mühafizə orqanları Bryunun saxlanması ilə bağlı şərh verməyiblər.
