SON DƏQİQƏ
XalqXeber.Az » Dünya » Ərdoğan Vaşinqtonda səfərdədir

Ərdoğan Vaşinqtonda səfərdədir

Tarix:

16-05-2017, 10:34

/ 66 165 dəfə oxundu.
Ərdoğan Vaşinqtonda səfərdədir

Türkiyə prezidenti Rəcəb Tayyib Ərdoğan ABŞ-ın paytaxtındadır.
Anadolu agentliyinə istinadən xəbər veririk ki, “Endryus” aviabazasında Türkiyə dövlət başçısını ABŞ-ın Protokol xidmətinin nümayəndəsi Rozmari Pauli və Türkiyənin ABŞ-dakı səfiri Serdar Kılıç qarşılayıb.
ABŞ-a səfər zamanı Türkiyə prezidentini həyat yoldaşı Əminə Ərdoğan, ədliyyə naziri Bəkir Bozdağ, XİN rəhbəri Mövlud Çavuşoğlu, iqtisadiyyat naziri Nihat Zeybekçi, energetika və təbii sərvətlər naziri Berat Albayraq və müdafiə naziri Fikri İşıq müşayiət edirlər.
Türkiyə prezidenti həyat yoldaşı ilə birgə Bler Haus iqamətgahına yola düşüb.
Ərdoğanı iqamətgahın qarşısına etnik türklərdən ibarət qrup qarşılayaraq onu salamlayıblar.
Türkiyə bayraqları ilə gələn qrup “Biz Türkiyəni sevirik”, “PKK-YPG/PYD-İŞİD terrorçularını durdurun”, “2,7 milyon suriyalı qaçqına dəstək üçün təşəkkürlər”, “İslamofobiyaya yol vermərik” yazılmış plakatlar tutublar.
ABŞ-a səfər zamanı Türkiyə və ABŞ prezidentlərinin danışıqları planlaşdırılıb. Bundan başqa, Ərdoğan biznes icmaların və QHT ekspert və liderləri ilə görüşlər keçirəcək.

Şərhlər

XƏBƏR LENTİ