SON DƏQİQƏ
XalqXeber.Az » Dünya » “Reina” terrorçusu polislərə şərt qoydu - “Oğlumu tapıb gətirin, bildiklərimi danışım”

“Reina” terrorçusu polislərə şərt qoydu - “Oğlumu tapıb gətirin, bildiklərimi danışım”

Tarix:

20-01-2017, 18:56

/ 2 000 dəfə oxundu.
“Reina” terrorçusu polislərə şərt qoydu - “Oğlumu tapıb gətirin, bildiklərimi danışım”

Dekabrın 31-dən yanvarın 1-nə keçən gecə İstanbulda “Reina” gecə klubunda terror törədən özbək əsilli, Əbu Məhəmməd Horasani kod adlı Əbdülqədir Maşaripovun İstanbul Terrorla və Mütəşəkkil Cinayətkarlıqla Mübarizə Şöbəsində sorğusu hələ də aparılır.

Məlumata görə, polis Maşaripovun 4 yaş 5 aylıq oğlunu özləri ilə aparan 3 terrorçunu tapmaq üçün axtarışları davam etdirir.

İlkin məlumatlara görə, 39 nəfərin qatili polislərdən tez-tez oğlunu soruşur və o, uşağı tapıldığı halda hər şeyi danışacağını söyləyib.

“İstanbulun Silivrə vilayətində olarkən yanıma bir nəfər gələrək “Hər yerdə səni axtarırlar. Uşağını səndən alacağıq, qaçdığın zaman yanına gətirəcəyik” dedi və oğlumu məndən aldılar”,-deyə Ə. Maşaripov bildirib.

Qeyd edək ki, İŞİD hücrəsinə edilən hücum nəticəsində Ə. Maşaripovla birlikdə daha 4 nəfər saxlanılıb. Onlardan 1-nin qırğız əsilli kişi, digər 3-nün qadın olduğu bildirilir.

Ə. Maşaripovun 2 il ərzində Əfqanıstan və Pakistandatəlim gördüyü, özbək, rus, ərəb, çin dillərini və türkiyə türkcəsini bildiyi deyilir.

Xatırladaq ki, “Reina”da törədilmiş terror aktı nəticəsində 39 nəfər ölmüş, 66 nəfər isə yaralanmışdı.

“Reina” terrorçusu polislərə şərt qoydu - “Oğlumu tapıb gətirin, bildiklərimi danışım”

Şərhlər

XƏBƏR LENTİ