XalqXəbər.Az

www.XALQXEBER.az » Dünya » “Bunu sübut elə, prezidentlikdən istefa verəcəm” - Ərdoğandan Kılıçdaroğluna

“Bunu sübut elə, prezidentlikdən istefa verəcəm” - Ərdoğandan Kılıçdaroğluna

“Bunu sübut elə, prezidentlikdən istefa verəcəm” - Ərdoğandan Kılıçdaroğluna
27-03-2017, 23:29

“Bəzi özünübilməzlər ölkədə yenə çevriliş etməyə çalışırlar. Amma mən bu şəxslərə 15 iyul gecəsi yazılan qəhrəmanlıq dastanını xatırlatmaq istəyirəm. Orada tankların qarşısında diz çökməyən, helikopterlərdən atılan güllələrdən qorxmayan gənclər var idi. Kılıçdaroğlu, sən harada idin? Atatürk hava limanında qaçırdın. Halbuki biz səninlə hava limanında görüşə bilərdik. Yalandan Bakırköyə getdiyini deyir”.
Bu barədə Türkiyə prezidenti Rəcəb Tayyib Ərdoğan Abdi İpəkçi İdman Salonunda “4-cü TÜGVA Gənclik Görüşü Proqramı” çərçivəsində çıxış zamanı bildirib.
“Kamal Kılıçdaroğlu “prezidentin Məclisi dağıtmaq kimi səlahiyyəti var” deyir. Yalan danışma. Mənim belə bir səlahiyyətim yoxdur. Dediyini sübut elə, mən prezidentlikdən istefa verəcəyəm. Lakin o da CHP-dən ayrılsın ki, partiya ondan xilas olunsun. Biz vicdanlıyıq, onda isə vicdan yoxdur. Məclis nə edəcək? Təbii ki, öz əsl işini görəcək”, - deyə Ərdoğan söyləyib.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.