Türkiyədə Kocaeli Universitetində Xocalı soyqırımının qurbanlarını anmaq istəyən tələbələrlə müxalif düşüncəli tələbələr arasında dava olub.
Məlumata görə, bir-birinə dəyənəklə və daşla hücum edən tələbələri ayırmaq üçün əraziyə polislər cəlb olunub.
Hadisə nəticəsində 1 tələbə və 1 təhlükəsizlik əməkdaşı yaralanıb.
Polisin xəbərdarlığına baxmayaraq dalaşan 47 tələbə isə saxlanılıb.
Məlumata görə, tələbələrdən biri universitetdə PKK-çı vətən xainlərinin oxumalarına imkan yaratmayacaqlarını bildirib: “Biz vətəni sevənlərdənik. Xainləri, PKK-nın dəstəkləyənləri, bu vətənin çörəyini yeyib əsgərinə, polisinə atəş açan insanları burada oxutdurmayacağıq”.
