Bəşər əsəd rejiminin 2011-2015-ci illər arası Dəməşqin Sednaya həbsxanasında 13 min məhkumu gizli edam etdiyi ortaya çıxıb.

Beynəlxalq Əfv Təşkilatı kütləvi edamlarla bağlı qorxunc faktları açıqlayıb.

Hesabatda bildirilir ki, 5 il ərzində rejimə müxalif olan mülki şəxslər həftdə bir-iki dəfə toplu şəkildə asılaraq edam edilirdilər.

Həbsxanada edamlara şahidlik edən sabiq hakim isə bildirib ki, məhkumlar edamdan sonra 15 dəqiqə burada saxlanılır, daha sonra cəsədləri bölgədəki hərbi xəstəxanalara aparılır, ölüm səbəbi olaraq isə infarkt, tənəffüz çatışmazlığı göstərilirdi. Gecə saatlarında isə paytaxt ətrafındakı müxtəlif qəbistanlıqlarda toplu şəkildə dəfn edilirdilər.