XalqXəbər.Az

www.XALQXEBER.az » Dünya » Azərbaycanlılar kürdlərlə dalaşdı - ölən var

Azərbaycanlılar kürdlərlə dalaşdı - ölən var

Azərbaycanlılar kürdlərlə dalaşdı - ölən var
2-02-2017, 14:55

Rusiyanın Surqut şəhərində azərbaycanlı və kürd qruplaşmaları arasında dava olub. Yanvarın 31-də Surqutun “Rus” kafesi yaxınlığında baş verən dava zamanı əslən azərbaycanlı olan 44 yaşlı Rusiya vətəndaşı Rüzgar Əliyev öldürülüb.

Məlumata görə, insidentdən bir müddət əvvəl azərbaycanlılar İmran adlı kürd gənci döyüblər. Buna görə də, “Rus” kafesi yaxılnlığında tərəflər bir-birilə “görüş” təyin ediblər.

Məlumata görə, öldürülən Rüzgar Əliyev Surqut şəhərində ciddi avtoritetə malik şəxs olub. 2016-cı il martın 31-də o, idarə etdiyi "Lexsus" markalı maşınla Sosnovıy küçəsi ilə hərəkət edən zaman onu saxlamaq istəyən OMON-çunu avtomobili ilə vurmuşdu. Faktla bağlı cinayət işi açılsa da, sonradan məhkəmə işə xitam vermişdi.
Ehtimal olunur ki, Rüzgar Əliyevin azadlığa çıxmasında həmyerlisi, Surqut şəhər polisinin mayoru Rövşən Çıraqov yardımçı olmuşdu.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.