XalqXəbər.Az

www.XALQXEBER.az » Dünya » Türkiyədə 10 general rütbədən məhrum edildi: 922 nəfərə ağır cəza

Türkiyədə 10 general rütbədən məhrum edildi: 922 nəfərə ağır cəza

Türkiyədə 10 general rütbədən məhrum edildi: 922 nəfərə ağır cəza
25-08-2017, 10:40

Türkiyə Hərbi Hava Qüvvələrinin 10 generalı ordu sıralarından ixrac edilib. Bu barədə qərar "Rəsmi Qəzet"də dərc olunub.

Hərbi Hava Qüvvələrimndən kənarlaşdırılan generalların adları açıqlanmayıb. Onlar terror qruplaşmalarına və milli təhlükəsizliyə qarşı fəaliyyət göstərən təşkilatlara üzv olmaqda və ya onlarla əməkdaşlıqda ittiham edilib. Həmin şəxslərin rütbələri və təqaüdçü vəsiqələri alınıb, bir daha ordu sıralarında qulluq edə, silah gəzdirə, xüsusi təhlükəsizlik şirkətlərinin qurucusu, şəriki və işçisi ola bidməz.

Bu gün "Rəsmi Qəzet"də dərc olunan qərarda bildirilir ki, ümumilikdə 922 nəfər ordu və ictimai sektordan uzaqlaşdırılıb. Onlar terror təşkilatlarına və milli təhlükəsizliyə qarşı faliyyət göstərən qruplaşmalara üzv olmaqda, onlarla əməkdaşlıq etməkdə günahlandırılıblar. Bu şəxslərin rütbə və vəsiqələri əlindən alınacaq, bu günə qədər çalışdıqları təşkilatlarda yenidən işləyə bilməyəcək, heç bir vəzif tuta bilməyəcəklər. Onlar həmçinin yaşadıqları dövlət mənzillərindən 15 gün müddətində çıxarılacaq, silah və vəsiqə daşımaq hüquqları əllərindən alınacaq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.