Rusiyadakı ət kombinatlarından biri ilə bağlı şok məlumatlar yayılıb

Rusiya KİV-nə istinadən xəbər veririk ki, Moskva yaxınlığında fəaliyyət göstərən "Mortadel” ət kombinatında istehsal edilən kolbasaların tərkibində insan əti olduğu aşkarlanıb.

İddialara görə, Rusiya Tibb Elmləri Akademiyasının Qida İnstitutunun alimləri həmin kombinatdakı ət məhsulları nümunələrini tədqiq ediblər və tərkibində insan əti olduğu qənaətinə gəliblər. Bildirilir ki, insan əti nümunələri iki növ kolbasada – "Kral” və "Dənəvər servalat”da tapılıb. Ekspertlər kolbasanın tərkibinə insan ətinin təsadüfən düşməsi ehtimalını istisna ediblər. Onlar hesab edir ki, məhsulların tərkibinə kimsəsiz meyitlərin əti vurulur.

Kombinatın vitse-prezidenti Elvira Aqurbaş xəbərləri təkzib edib.