XalqXəbər.Az

XalqXeber.Az » Cəmiyyət » Vidadi Muradovla bağlı daha bir İDDİA...

Vidadi Muradovla bağlı daha bir İDDİA...

Vidadi Muradovla bağlı daha bir İDDİA...
19-01-2021, 11:21

Külli miqdarda, 3 milyon 572 min 427 manat mənimsəmədə təqsirli bilinib, Cinayət Məcəlləsinin 179.4 (mənimsəmə xüsusilə külli miqdarda ziyan vurmaqla törədildikdə), 308.2 (vəzifə səlahiyyətlərindən sui-istifadə ağır nəticələrə səbəb olduqda) və 313-cü (vəzifə saxtakarlığı) maddələri ilə ittiham olunaraq həbs olunan “Azərxalça” ASC-nin İdarə heyətinin sabiq sədri Vidadi Muradovun elmi işi saxta ola bilər.

Bu bardə “Yeni Sözçü” qəzetinin redaksiyasına adının açıqlamasını istəməyən mənbə məlumat verib.

“Tarix elmləri doktoru”, “professor” elmi dərəcələri daşıyan Vidadi Muradovun tərcümeyi-halında yer alan məlumata görə, 1956-cı il təvəllüdlü bu şəxs 1974-1980-ci illərdə Moskva Kooperativ İnstitutunun İqtisadiyyat fakültəsində “İqtisadiyyatın təşkili” ixtisası üzrə təhsil alıb. 1980-ci ildən 1994-cü ilədək respublikanın müxtəlif müəssisələrində iqtisadçı kimi fəaliyyət göstərib. 1994-cü ildə isə “Azər İlmə” Məhdud Məsuliyyətli Cəmiyyətin təsis edib.

Lakin onun nə zaman və hansı mövzuda elmi iş müdafiə edərək, tarix elmləri doktoru adını qazanması ilə bağlı heç bir məlumat yoxdur. Redaksiyamıza məlumat verən şəxs isə ən azından 40 yaşına kimi heç bir elmi fəaliyyətlə məşğul olmamış, iqtisadçı təhsili almış Vidadi Muradovun tarix elmləri doktoru kimi elmi rütbəni neçə qazanmasının maraqlı olduğuna diqqət çəkir və aidiyyatı orqanların bu məsələni araşdırmasının vacib olduğunu bildirir.

​“Hüriyyət” qəzeti olaraq bu mövzunu araşdırmağa çalışacağıq. Bunun üçün Prezident yanında Ali Attestasiya Komissiyasının sədri Famil Mustafayevə və Azərbaycan Milli Elmlər Akademiyasının prezidenti Ramiz Mehdiyevə məktub göndərərək, “Azərxalça” ASC-nin sabiq sədri Vidadi Muradovun tarix elmləri doktoru adını necə qazanmasına aydınlıq gətirməyə çalışacağıq.

“Azər İlmə” MMC-nin rəhbəri Xəqani Nizami oğlu Talıbovun bu maliyyə fırıldaqlarındakı roluna da aydınlıq gətirmək üçün araşdırma aparmağa çalışırıq. Çünki Vidadi Muradovun vəzifə səlahiyyətlərindən sui-istifadə edərək 20 dekabr 2017-ci il tarixdən 18 fevral 2019-cu il tarixədək olan müddətdə “Azərxalça” ASC-yə məxsus müxtəlif ölçülü xalçaları təsisçisi olduğu “Azər-İlmə” MMC-yə ucuz qiymətə satılmasına nail olmaqla 339 min 427 manat məbləğində əmlakı mənimsəməsi istintaq orqanı tərəfin aşkara çıxarılıb. Bu əməliyyatda “Azər İlmə” MMC-nin rəhbəri Xəqani Talıbovun daşıdığı məsuliyyətə isə hüquq-mühafizə orqnları qiymət verməlidir.

Bununla bağlı hüquq-mühafizə orqanlarının itimaiyyətə açıqlama verəcəyinə də ümid edirik. Araşdırmalarımız isə davam edir və adları çəkilən şəxsləri, onların vəkillərini də dinləməyə hazırıq.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.