XalqXəbər.Az

www.XALQXEBER.az » Cəmiyyət » Əflatun Amaşov Prezidentə təşəkkür etdi

Əflatun Amaşov Prezidentə təşəkkür etdi

Əflatun Amaşov Prezidentə təşəkkür etdi
23-07-2020, 16:56

Azərbaycan Respublikasının Prezidenti cənab İlham Əliyevə milli mətbuatımızın 145 illiyi ilə əlaqədar həmkarlarımın əməyinə verdiyi yüksək dəyərə görə dərin minnətdarlığımı bildirirəm.

Dövlət başçımız ulu öndər Heydər Əliyevin müstəqillik illərində milli mətbuatımızın yubileylərinin keçirilməsi ənənəsini uğurla davam etdirir. Eyni zamanda onu da deyim ki, cənab Prezident özü də ənənə yaradıcısıdır. O, 2005-ci ildən – milli mətbuatımızın 130 illik yubileyindən başlayaraq hər yubiley ilində media təmsilçilərimiz kütləvi şəkildə mükafatlandırır. Əminəm ki, mediamızın cəmiyyətdəki roluna, jurnalist əməyinə verilən belə yüksək dəyər hər zaman davamlı olacaqdır.

Dövlət başçımızın sərəncamları ilə fəxri ad və diplomlara, orden və medallara, Prezidentin fərdi təqaüdünə layiq görülmüş bütün həmkarlarımı təbirk edir, onlara möhkəm cansağlığı, yeni yaradıcılıq uğurları arzulayıram!

Uca Tanrı dövlətimizi, Prezidentimizi, jurnalistlərimizi qorusun!
Əflatun Amaşov

Mətbuat Şurasının sədri

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.