Birləşmiş Ərəb Əmirliklərində qüllələrdən biri Naxçıvan Ali Məclisinin sədri Vasif Talıbovun oğlu Rza Talıbovun adını daşıyır.
Pravda.az-ın xəbərinə görə, bu barədə araşdırmaçı jurnalist Cavanşir Həsənli məlumat yayıb.
“Rəsmi adı Al Rza Towerdir, Vasif Talıbovun oğlu Rza Talıbovun adını daşıyır. Bina Talıbovlar ailəsinə məxsus Gəmiqaya Holdinq tərəfindən inşa olunub. Ünvanı belədir: 60, 1 Street, Ajman Industrial 2, Ajman Office 1201. Bina yaşayış təyinatlıdır, 12-ci mərtəbəsində holdinqə daxil olan “Gəmiqaya Real Estate” daşınmaz əmlak şirkəti yerləşir. Talıbovların körfəz ölkələrindəki əmlakı bu şirkət vasitəsilə idarə olunur. Yeri gəlmişkən, Talıbovların BƏƏ-dəki daha bir şirkəti “Gemikaya General Trading LLC”dir. Şirkətin ofisi Dubai Investment Parkda yerləşir. Şirkət ərəb ölkələrinə "Badamlı" sularının satışını, eyni zamanda Azərbaycanla Körfəz ölkələri arasında digər ticari əməliyyatları reallaşdırır. Ticarət şirkətinin gəliri 1 milyon dollar göstərilir”.
