Abşeron İcra Hakimiyyətinin başçısı İradə Gülməmmədovaya məxsus əmlakların siyahısı yayılıb.
Hərgun.az-a istinadən həmin siyahını təqdim edirik:
– Xırdalan şəhərindəki “Titanik” adlı böyük obyekt..
– Novxanı kəndində yerləşən “ABU Petrol” yanacaqdoldurma məntəqəsinin yaxınlığındakı şərab evi..
– Mehdiabad-Fatmayi yolunun üstündəki “Palma” supermarketi, eyni adlı restoran.
– Həmçinin Abşeron ərazisində təndirxanalar.
Xanım icra başçının əsas biznesinin Abşeronda yox Binəqədidə olduğu deyilir.
Bunlardan biri ən azı bir milyon manata başa gəlmiş 3 mərtəbəli “Zümrüd” uşaq bağçasıdır.
“Zümrüd”- başçının anasının adıdır. Obyektə rəhbərliyi onun qızı Vüsalə Gülməmmədova rəhbərlik edir.
Maraqlıdır ki, Abşeronda , əsas da Xırdalanda uşaq baxçası azdır. Və vətəndaşlar yer tapmaqda çətinlik çəkir. Bəs niyə başçı baxçanı “Varovski”də tikdirib. Əvvala gözdən uzaqdır, həm də “Varovski”nin kontingenti əsasən imkanlı ailələrdir. “Zümrüd” Abşeronun kasıb camaatı üçün çox bahalıdır.
Qeyd edək ki, Abşeron rayon İcra Hakimiyyəti yayılan xəbəri təkzib etməməklə yanaşı münasibət də bildirməyib.
