Ötən gün ATV telekanalında yayımlanan “Bizimləsən” verilişində əri tərəfindən saçları qırxılan gənc qadının videosu müzakirə olunub.

Baş verənlərə aydınlıq gətirmək üçün qadının qayınanası proqrama zəng edib. Afət adlı qadın videonun onlar tərəfindən yayılmadığını söyləyib. O, həm də gəlininin başqa oğlanla birlikdə çəkilmiş görüntülərini verilişə təqdim edib.

“Sentyabr ayında oğlum onun başqa adamla danışdığını tutub. Gəlib mənə dedi ki, yoldaşım kiminləsə yazışır. Biz ondan həmin oğlanın kimliyini soruşanda, xalası oğlu olduğunu söylədi. Sonra onun oğlana göndərdiyi səs yazılarına qulaq asdıq. Səs yazılarında məni və yoldaşını lağa qoyurdu. Oğlum əsəbiləşib qızın saçlarını qırxdı. Anasını dəfələrlə çağırdıq ki, gəl, qızını apar. Dedi ki, öldürün qızımı. Saçı qırxılandan 1 həftə sonra anası gəlib apardı. Görünütləri biz yaymamışıq. Bu videonu qızın özünə də atmışıq.”

A24.Az