Şirvan şəhər təşkilatının sədri Əlikram Xurşudov noyabrın 22-də axşam saatlarında şəhər polisi tərəfindən saxlanılıb. Bu haqda Müsavat Partiyasından bildiriblər.

Məlumatda deyilir ki, Ə.Xurşudovun saxlanma səbəbi məlum deyil və bu barədə şəhər polisinə müraciət etsələr də hər hansı açıqlama verilməyib.

Təşkilatın sədri noyabrın 23-də məhkəməyə aparılmalı olsa da indiyədək aparılmayıb.

Partiyadan deyiblər ki, Ə.Xurşudov bu günlərdə Facebook səhifəsində Şirvan şəhərində vətəndaşların inzibati üsullarla YAP-a üzv yazdırılması haqda status paylaşıb və ehtimal edilir ki, təşkilat sədri paylaşdığı xəbərə görə saxlanıla bilər.