SON DƏQİQƏ
XalqXeber.Az » Cəmiyyət » Lider TV-nin bədii rəhbəri istefa verdi

Lider TV-nin bədii rəhbəri istefa verdi

Tarix:

3-08-2017, 12:06

/ 109 088 dəfə oxundu.
Lider TV-nin bədii rəhbəri istefa verdi

Daha bir tanınmış şəxs Lider TV ilə yollarını ayırıb.

Məlumata görə, TV-nin bədii rəhbəri, rejissor, əməkdar incəsənət xadimi Etibar Babayev vəzifəsindən istefa verib.

Saytımıza daxil olan məlumatda bildirilir ki, Azərbaycan Televiziya və Radio Verilişləri Qapalı Səhmdar Cəmiyyətinin (AzTV) keçmiş bədii rəhbəri E. Babayev Lider TV ilə əməkdaşlığa iyun ayının ortalarında başlayıb. Belə ki, o, sözgüdən tarixdə TV-nin bədii rəhbəri postuna təyin edilib. E. Babayev Liderə öz komandası ilə birlikdə gəlib. Bədii rəhbər və komandası TV-də yalnız 3 həftə çalışıb. Etibar Babayev getdikdən sonra isə, onunla birlikdə gələnlər də televiziyadan ayrılmaq qərarı veriblər.

Məsələ ilə bağlı Lider TV-dən açıqlama vermək istəməyiblər.

Xatırladaq ki, son vaxtlar mətbuatda Lider TV ilə bağlı xoşagəlməz məlumatlar yayılır. Belə ki, bir müddət əvvəl, sözügedən televiziya kanalında işçilərin 3 aydır, maaş almadığı barədə informasiyalar yayılmışdı. TV rəsmiləri isə faktı təkzib etmişdilər.

Daha sonra isə Liderin tanınmış simalarından olan Lamiyə Ələkbərqızının kanalla yollarını ayırdığı bildirilirdi.

Şərhlər

XƏBƏR LENTİ