Daxili İşlər Nazirliyi 5 rayonda narkotik əməliyyatı keçirib
H.Z.Tağıyev qəsəbə sakini, əvvəllər məhkum olunmuş Novruz Həsənovdan 470 qram marixuana götürülüb.
Lənkəranda isə Anar Əliyevdən və əvvəllər məhkum olunmuş Aşur Məhərrəmovdan 2 kiloqram 215 qram heroin, 24 kiloqram 075 qram tiryək və 9,351 qram metamfetamin götürülüb.
Salyanda Seyran Hüseynovun həyətyanı sahəsinə baxış zamanı oradan kultivasiya yolu ilə yetişdirilən 7 ədəd çətənə kolları aşkar edilərək götürülüb.
Kürdəmirdə Şımıxlı kənd sakini, əvvəllər məhkum olunmuş Tural Məcidovun həyətyanı sahəsinə baxış zamanı oradan kultivasiya yolu ilə yetişdirilən 18 ədəd çətənə kolları aşkar edilərək götürülüb.
Neftçalada Hicran Cəfərovun evinə baxış zamanı oradan 95 qram marixuana, həyətyanı sahəsindən isə kultivasiya yolu ilə yetişdirilən 148 ədəd çətənə kolları aşkar edilərək götürülüb.
bakupost.az
