XalqXəbər.Az

XalqXeber.Az » Sosial » “Waurma” yox, barı "Şaurma" yazın! - Vətən çörəyi sizə qənim olsun

“Waurma” yox, barı "Şaurma" yazın! - Vətən çörəyi sizə qənim olsun

“Waurma” yox, barı "Şaurma" yazın! - Vətən çörəyi sizə qənim olsun
31-03-2021, 16:47

Dünən paytaxtdakı restoranlardan birində gördüyüm fakt məni sözün əsl mənasında dəhşətə gətirdi. Qətiyyət şişirdib eləmirəm. Belə ki, iri iaşə obyektinin üstündə böyük hərflərlə yazılıb: “Waurma”. Dilimizin normalarına uyğun olmayan bu əndirəbadi sözü lüğətimizə, təəssüf ki, artıq gətirmişik. Heç olmasa, düz yazaq...Axı qrammatikamızda da göstərilib ki, hər işarə bir səsi ifadə edir. Həm də şəxsən mən indiyədək bircə dəfə belə olsun “Əlifba” kitablarında "W" işarəsini görməmişəm.

Analoji “kreativliklər” təkcə dilimizə yox, həm də konstitusiyaya, “Dövlət dili haqqında” Qanuna ziddir. Həmin Qanunun 7-ci maddəsində deyilir: “Azərbaycan Respublikasının ərazisində bütün xidmət sahələrində, reklam və elanlarda dövlət dili dövlət dilinin normalarına uyğun olaraq tətbiq edilməlidir”. (7. 2.). Deməli, görünən dağa bələdçilik etməyə daha ehtiyac yoxdur. Qanun pozulur. Və, yəqin, həmin sahibkara indiyədək “gözün üstündə qaşın var” deyən olmayıb. Ümid edirik ki, bundan sonra olacaq.

Nəsimi adına Dilçilik İnstitunun direktoru, akademik Möhsün Nağısoylu məsələ barədə fikirlərini “Sherg.az”a bildirdi:

“Belə hallar çoxdur. Təkcə “Şaurma” yox, digər sözlərdə oxşar qüsurlara rast gəlinir. Bu, bizi da narahat eidr. Tədbir görməyə çalışmışıq. Lakin Dilçilik İnstitutu olaraq bizim əlimizdə hansısa təsir imkanları yoxdur. Sadəcə təklif verməklə kifayətlənə bilərik. Dövlət Dil Komissiyasının, yeni yaradılan monitorinq mərkəzinin isə cəza mexanizmi var. Məsələ ondan ibarətdir ki, belə hallar dövlət Qanunun pozulması deməkdir və həllini tapmalıdır”.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.