XalqXəbər.Az

www.XALQXEBER.az » Sosial » DSMF-nin işi-gücü narazılıq yaratmaqdır... - GİLEY

DSMF-nin işi-gücü narazılıq yaratmaqdır... - GİLEY

DSMF-nin işi-gücü narazılıq yaratmaqdır... - GİLEY
15-12-2020, 10:32

Gəncə şəhər, Dos-102, bina 148, ev 23 ünvanında yaşayan Vahid İsgəndər oğlu Usubovun əlillik pensiyası naməlum səbəbdən dayandırılıb. Araşdırma nəticəsində məlum olub ki, o, 2017-ci ilin sentyabr ayında əlillik dərəcəsini dəyişmək üçün poliklinikaya müraciət edib. Ordan isə ona göndəriş verərək, Təcili-Tibbi yardım xəstəxanasına göndəriblər. Vahid Usubov xəstəxananın Travmatologiya şöbəsində 1 ay müalicə olunur və epikriz (vacib tibbi uçot sәnәdi) alaraq, aidiyyatı üzrə poliklinikaya təqdim edir. Vahid Usubov əlillik dərəcəsi dəyişdirilmədən, ömürlük əlillik statusu alır.

DİA.AZ xəbər verir ki, 2020-ci ilin iyul ayında isə onun əmək pensiyası heç bir xəbərdarlıq edilmədən dayandırılıb. Bununla bağlı, Vahid Usubov Gəncə şəhər DSMF-nə müraciət edib. Oradan ona bildirirlər ki, onun pensiyası nazirlik tərəfindən dayandırılıb və o, Gəncə şəhər TSEK-nə müraciət etməlidir. TSEK-dən isə Vahid Usuvoba məlumat veriblər ki, onun 2017-ci ildə əlillik dərəcəsinin dəyişdirilməsi ilə bağlı etdiyi müraciətə görə problem yaranıb.

Vahid Usubov məcbur olub Bakı şəhərinə, ƏƏSMM Nazirliyə və Mərkəzi TSEK-ə gedib. Məlum olub ki, şübhəli əlillik pensiyalarının monitorinqi zamanı onun əlilliyi də səhfən bu qara siyahıya düşüb. Ona bu məsələnin tezliklə düzələcəyini bildirsələr də, artıq 5 aydır ki, Vahid Usubov pensiyasını ala bilmir. O, bununla bağlı, bir neçə dəfə yenidən Bakı şəhərinə qayıdaraq, Mərkəzi TSEK-ə müraciət edib.

Vahid Usubov sonuncu dəfə Travmatologoya İnstitutunda müayinə olunub, tibbi arayışı Mərkəzi TSEK-ə təqdim etsə də, hələ də pensiya ilə bağlı problemi həll olunmayıb.

Nəticədə, Vahid Usubov müalicə olunmaqda və dərmanlarını almaqda çətinlik çəkir.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.