SON DƏQİQƏ
XalqXeber.Az » Sosial » Vətən Müharibəsi dövründə Almaniyadakı səfirimiz nə işə yaradı? - İTTİHAM

Vətən Müharibəsi dövründə Almaniyadakı səfirimiz nə işə yaradı? - İTTİHAM

Tarix:

21-11-2020, 14:56

/ 1 062 dəfə oxundu.
Vətən Müharibəsi dövründə Almaniyadakı səfirimiz nə işə yaradı? - İTTİHAM

- "İkinci Qarabağ (Vətən) müharibəsi Azərbaycanın dostlarını və düşmənlərini, o cümlədən gizli düşmənlərini üzə çıxardı. Təəsüf ki, Almaniyanın nümayiş etdirdiyi mövqe açıq-aşkar ermənipərəstdir və bu müharibədə Ermənistanın yanında olduğunu görməmək mümkün deyildir. Türkiyə üzərindən Ermənistana uçan alman hərbi yük təyyarəsinin geri qaytarılması, Almaniyanın Ermənistana 750 milyon avro həcmində maliyyə yardımı etməsi, Qarabağ müharibəsi kontekstində alman deputatlarının kütləvi şəkildə Dağlıq Qarabağa səfər etməsi, Almaniyanın xarici işlər naziri Hayko Massın Azərbaycana münasibətdə hədəyana bəyanatla çıxış etməsi və ya kansler Merkelin Prezident İlham Əliyevdən atəşkəsin dayandırılmasını təkid etməsi kimi faktları xatırlamaq kifayətdir". Bu barədə DİA.AZ-a göndərilən məqalədə deyilir.

Daha sonra məalədə bildirilir: "Qeyd edirik ki, Almaniyada ictimai abu-hava da açıq-aşkar Azərbaycanımızın əleyhinədir. Azərbaycanımızın haqq səsi bu ölkədə, demək olar ki, heç eşidilmir. Müharibənin ilk günündən etibarən alman mətbuatı fasiləsiz şəkildə açıq-aşkar Ermənistanın tərəfini saxlayır, ermənilərin təbliğat ruporu rolunu oynayır. Belə acınacaqlı vəziyyət hələ də davam etməkdədir, anti-Azərbaycan eyforiya günü-gündən qızışmaqdadır.

Yuxarıda qeyd edilənlərin fonunda Azərbaycan adı çəkildikdə, rəsmi instansiya olaraq, gözlər Azərbaycanın və Ermənistanın Almaniyadakı səfirliklərinə zillənir; ictimai diqqət səfirlərin üzərinə yönəlir. Acı həqiqəti dərk etmək və etiraf etmək gərəkdir: Ermənistanın Almaniyadakı səfiri Aşot Smbatyan çox aktiv və uğurlu şəkildə Azərbaycan və Türkiyənin əleyhinə təbliğatı aparmaqda və bunu təşkil etməkdədir. Bunu Azərbaycanın səfiri Ramin Həsənov haqda demək mümkün deyildir. Erməni həmkarı Aşot Smbatyanla müqayisədə Ramin Həsənov aciz, fəaliyyətsiz və iştiraksızdır, sanki ətrafda baş verənlərin ona heç bir aidiyyəti yoxmuş... kiçik və tək-seyrək müsahibələrdən savayı, gözə çarpacaq bir faəliyyət müşahidə edilmir. Səfirliyimizin yarıtmaz fəaliyyətini görməmək mümkün deyildir.

Bu günlərdə Azərbaycan xalqı da fərqinə varmadan, səfir Ramin Həsənovun uğursuz fəaliyyətinin bir daha şahidi oldu; inanırıq ki, hər biriniz Almaniyanın mərkəzi ictimai televiziya kanalı “ARD”-nin cənab Prezident İlham Əliyevlə olan müsahibəsini (28.10.2020) xatırlayırsınız (nümunə üçün bax: https://azpolitika.info/?p=609676). “ARD” kanalı alman dövlətinin mərkəzi təbliğat maşınıdır, burada heç nə təsdüfən baş verə bilməz. Lakin, onun əməkdaşı cənab Prezidentlə müsahibəsində bütün ədəb-ərkanı bir qırağa qoyduğu bəs deyilmiş kimi, hələ bir açıqca erməni arqumentləri ilə çıxış edir, bununla da tamaşaçı kütləsinin beynini zəhərləməyə çalışırdı. Artıq yuxarıda qeyd etdiyiniz kimi, təkcə “ARD” kanalı deyil, toplam alman mətbuatı Azərbaycana düşmən mövqeyindədir. Sual olunur ki, “ARD” kanalı və ya digə alman mətbuat qurumları ilə səfirliyimiz indiyədək hansısa bir iş apara bilmişdirmi və ya onlara Azərbaycan həqiqətlərini aşılaya bilmişdirmi? Əgər səfir Həsənov sual edilənlərin öhdəsindən gələ bilmişdirsə, onda alman mətbuatı, ictimaiyyəti və dövlət dairələrində Azərbaycana qarşı radikal nifrət nəylə izah oluna bilər?

Səfir cənabları aidiyyəti üzrə alman ictimaiyyəti və mətbuatı ilə iş aparmaq əvəzinə, özünün yarıtmazlığını ört-basdır etmək məqsədi ilə Azərbaycan mətbuatında Almaniya-Azərbaycan münasibətlərinə dair yalan və şişirdilmiş məlumatlar yayamaqla məşğuldur. Səfir Həsənovun özü haqda yaydığı feyk xəbərlərdən biri də onun bu müharibənin qaynar çağında Almaniyanın Federal Mətbuat İdarəsinə məxsus konfrans zalında keçirdiyi mətbuat konfransıdır. Adıçəkilən mətbuat konfransı həqiqətən keçirilmişdir, amma necə keçmişdir... Rəsmi xronikanın daşıyıcısı olan “AZƏRTAC” dövlət xəbərlər agentliyin saytına yerləşdirilmiş video-reportajdan (https://video.azertag.az/site/video/105195) açıqca məlum olur ki, təxminən 150-200 nəfərlik zalda bütün stullar boşdur, cəmi dörd-beş nəfər gözə dəyir ki, bunlardan da biri mətbuatın idarəsinin texniki işçısi-fotoqrafdır, digər iki nəfər isə elə səfirliyin əməkdaşlarıdır, cəmi-cümlatanı bircə nəfər jurnalsit gözə dəyir, o da hansısa lokal qəzetlərdən birinin ştatdankənar əməkdaşıdır. Türk həmkarlarımız qeyd etdiyinə görə, bu zavallı şatdankənar müxbiri də ermənilər göndəribmiş... Qeyd edilənləri AZƏRTAC-ın veb-səhifəsindəki video-sujetdən aydın şəkildə seyr etmək mümkündür. Səfir həzrətlərinin səfir kürsüsündə əyləşdiyindən beşinci il keçir, bu beş ildə elə cəmi bir nəfər jurnalist tanıyır? Və ya əla-həzrətin səfirin mətbuat konfransına cəmi bir nəfərin təşrif buyurması nəyin göstəricisidir? Məlumatınız üçün qeyd edirik ki, Almaniyada təxminən hər gün 330 gündəlik və 17 həftəlik qəzet dərc edilir; 1600 jurnal nəşr edilir, 60-a yaxın televiziya kanalı, 300-dən çox radio mövcuddur. Bu ölkədə hər gün təxminən 13,5 milyon ədəd qəzet çap edilir. Almaniya, mətbuat bazarının həcminə görə, dünyada beşinci yeri tutur. Qeyd etdiyim statsitik məlumatlarla elə Almaniyanın Federal Mətbuat İdarəsinin statistik dərgisində tanış olmaq mümkündür: https://www.tatsachen-ueber-deutschland.de/ru/smi-i-kommunikaciya/gazety-i-zhurnaly

Kadrarxası bir məqamı da qeyd edək gərəkdir: tələm-tələsik Almaniydakı türklərə məxsus bir televiziya kanlaının nümayəndəsi yuxarıda qeyd edilən “mətbuat konfransı”na gəlir və o da məclisin qeyri-ciddi olduğunu anlayaraq, tez də buranı tərk edir, sonradan türk icması bu hadisəni məxsərəyə qoyub-gülürmüş... Təbii ki, bizlər, yəni Almanayada yaşayan Azərbaycanlıar da bu haqda eşitidik-gördük, bəzilərimiz istehzalı-istehzalı güldük, bəzilərimiz də kədərləndik, amma çox da heyrətlənmədik, çünki Ramin Həsənovun və rəhbərlik etdiyi səfirliyin fəaliyyətinə yaxşı bələdik, necə deyərlər, “pir mənimdir, kəramətinə də bələdəm”. Səfir həzrətləri və onun əməkdaşları ilə ünsiyyətdə olan həmvətənlərimizin əksər hissəsi onları acı istehza və ikrah hissləri ilə xatırlayırlar, səfirliyə “lal və kor adamlar cəmiyyəti” deyirlər... Çün ki səfirlikdə çalışan əməkdaşlar tədbirlərdə dovşan kimi küncə-bucağa gizlənirlər. Niyəsi də bəllidir: bəyzadələrin böyük əksəriyyəti yaşadıqları ölkədə danışılan dili-alman dilini bilməyirlər və ya yetərincə bilməyirlər. Səfirliyin konsulluq şöbəsi isə rüşvət yuvasıdır. Almaniyanın orta göbəyində, günün-günorta çağında kamerların altında sənədlərin arasında “şirinlik” vermək adət sayılır.

Azərbaycan mətbuatında Berlindəki səfirliyimiz haqda yayımlanmış materialların monitorinqini apardıq, materialların əksəriyyətinin mənbəyi səfirlikdir, məlumatlar şişirdilmişdir, çox hallarda isə yalandır. Qənaətimizcə, səfir həzrətləri bu cür və serial yalanlar yaymaqla özünün yarıtmaz və uğursuz fəaliyyətini gizlətməyə cəhd edir. Bilmək maraqlı olardı, Bakıda əyləşən bəyzadə və xanım-əfəndilərin burada baş verənlərdən xəbərləri vardırmı? Baş verənləri görmürlərmi, eşitmirlərmi? Əgər baş verənlərdən xəbərləri vardırsa, onda niyə süküt edirlər? Yoxsa səfirin daydaylarından- Xələf Xələfovdan və Əli Əhmədovdan ehtiyat edirlər?

Görəsən, Azərbaycanımızın xaricdəki nümayəndəliklərinin mətbuat üzə fəaliyyətinə nəzarət edən qurumun-Azərbaycan Respublikası Xarici işlər Nazirliyinin Mətbuat Xidməti İdarəsi və onun rəhbəri Leyla Abdullayeva, obrazlı şəkildə desək, hara baxır?

Səfir cənablarına da, onu himayə edən bəyzadə və xanım-əfəndilərə də sual edirik: Azərbaycanımızın taleyüklü günlərində belə bir fiaskoya, həm də biabrçı fiaskoya nə ad vermək olar?

Səfir Ramin Həsənovun yarıtmaz fəaliyyəti nəticəsində yaranan boşluqları Ermənistanın səfiri Aşot Smbatyan uğurla doldurmaqda davam edir. Yeri gəlmişkən, erməni icması da bu haqda Alman-erməni Cəmiyyətinin (DAG) facebook səhifəsində status paylaşaraq, Ramin Həsənovu və onun fiasko-konfransını məxsərəyə qoyublar (əlavə edilir).

Dəyərli həmkarlar, bu yazının müəlliflik hüququnu Sizlərə həvalə edirəm, yəni bunu öz mətbu orqanlarınızda dərc edə bilərsiniz, istifadə edə bilərsiniz.
Hörmətlə,
“Almaniyada yaşayan Azərbaycanlı Jurnalistlərin Dərnəyi”

P.S.: müvafiq materialı hazırladığımız zaman, Almaniyanın xarici işlər naziri Hayko Maas Alman Federal Hökumətinin Dağlıq Qarabağın erməni icmasına daha iki milyon avro humanitar yardım ayırması bəlli olmuşdur (29.10.2020). Baxaq görək, Ramin Həsənov bu haqda da danışmaq istəyirmi, yəqin bu dəfə də “mənə dəxli yoxdur” deyəcək..."

İddia olunanlarla bağlı bütün maraqlı tərəfləri dinləməyə hazırıq...

Şərhlər

XƏBƏR LENTİ