XalqXəbər.Az

www.XALQXEBER.az » Sosial » Prokurorluq Fədail Quliyevin Gürcüstanda gizləndiyini aşkarladı və... - Azərbaycana gətirildi

Prokurorluq Fədail Quliyevin Gürcüstanda gizləndiyini aşkarladı və... - Azərbaycana gətirildi

Prokurorluq Fədail Quliyevin Gürcüstanda gizləndiyini aşkarladı və... - Azərbaycana gətirildi
6-08-2020, 12:11

Azərbaycan Respublikası Baş Prokurorluğunun Gürcüstan Respublikasının Baş Prokurorluğu ilə səmərəli əməkdaşlığı davam etdirilir. Bu barədə Baş Prokurorluqdan verilən məlumatda deyilir.

Azərbaycan Respublikası Baş Prokurorluğu tərəfindən milli qanunvericiliyin və tərəfdar çıxdığımız beynəlxalq müqavilələrin, o cümlədən “Mülki, ailə və cinayət işləri üzrə hüquqi yardım və hüquqi münasibətlər haqqında” Minsk Konvensiyasının tələblərinə əsasən Gürcüstan Respublikasının Baş Prokurorluğu ilə ikitərəfli münasibətlər çərçivəsində ölkəmiz ərazisində cinayət törətmiş şəxsin cinayət məsuliyyətinə cəlb edilməsindən ötrü Azərbaycan Respublikasına ekstradisiya edilməsi barədə sorğu edilmişdir.

Belə ki, Fədail Quliyevin 2017-ci ildə Bakı şəhərində Türkiyə Respublikasının vətəndaşı Kaman Eyyup Hakandan satış məqsədilə 500 min ədəd saxta aksiz markası sifariş edərək ölkəmizdə satışını həyata keçirməsinə əsaslı şübhələr müəyyən edilmiş və bu səbəbdən təqsirləndirilən şəxs qismində cəlb edilməklə barəsində beynəlxalq axtarış elan edilmişdir.

Baş Prokurorluqdan dia.az-a həmçinin bildirilib ki, Fədail Quliyevin Gürcüstan Respublikası ərazisində yerinin müəyyən edilməsi əsası ilə Azərbaycan Respublikasının Baş Prokurorluğunun Gürcüstan Respublikasının Baş Prokurorluğuna sorğusu təmin edilməklə sonuncu ölkəmizə ekstradisiya edilmişdir.

XalqXeber.Az

Materiallardan istifadə edərkən sayta mütləq istinad olunmalıdır. Bütün hüquqlar qorunur.