Azərbaycanın veteran futbolçusu Fazil Pərvərov sosial şəbəkə hesabında diqqətçəkən paylaşım edib.
"Yeni Sabah" xəbər verir ki, "Kəpəz"in sabiq futbolçusu paylaşımda qazandığı nailiyyətləri qeyd etməklə yanaşı, bu nailiyyətlərə görə ona ayrılan pulun AFFA tərəfindən mənimsənildiyini də vurğulayıb:
“Azərbaycan çempionu - 3 dəfə, gümüş, bürünc mükafatçısı, Azərbaycan bombardiri, "Kəpəz"in heyətində ən çox qol vuran futbolçu, amma işsiz. Veteran futbolçu Oqtay Abdullayev söz verib ki, sənə pensiya verəcəyik, amma 50-ni keçdik, vermədilər, 65-ə qədər nə yeməliyik? Ömrümüzü futbola verdik ki, ac yaşayaq? AFFA Bakıda və Gəncədə müəyyən veteranlara "qızıl pensiya" verir, mənim də pensiyamı AFFA yeyir, halallıq vermirəm".
